ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ରଣପୁର ବ୍ଲକ ଅନ୍ତର୍ଗତ ଚାନ୍ଦପୁର କନ୍ଧ ନୟାଗଡ଼ ଜାତୀୟ ରାଜପଥରେ ଏକ ଟ୍ରକ ଭୋର ସମୟରେ ଦୁର୍ଘଟଣା ଗ୍ରସ୍ତ ହୋଇଛି । କଲିକତାରୁ ଚେନ୍ନାଇ ଯାଉଥିବା ଏକ କାର୍ବୋନ ବୋଝେଇ ଟ୍ରକ ଭାରସାମ୍ୟ ହରାଇ ରାସ୍ତା କଡ଼ରେ ଓଲଟି ପଡ଼ିଥିଲା । ଖବରପାଇ ଚାନ୍ଦପୁର ଥାନା ଅଧିକାରୀ ଜ୍ୟୋତି ପ୍ରକାଶ ପଣ୍ଡା ସଦଳବଳେ ଘଟଣାସ୍ଥଳରେ ପହଂଚି ଦୁର୍ଘଟଣା ଗ୍ରସ୍ତ ଟ୍ରକରୁ ଡ୍ରାଇଭର ଏବଂ ହେଲପର୍ଙ୍କୁ ଉଦ୍ଧାର କରି ଡାକ୍ତରଖାନା ପଠାଇଥିବା ବେଳେ ଡ୍ରାଇଭରର ମୃତ୍ୟୁ ଘଟିଥିବା ଏବଂ ହେଲପର ଆହାତ ଅବସ୍ଥାରେ ଚିକିତ୍ସାଧିନ ଥିବା ଜଣାଯାଇଛି । ମୃତ ଡ୍ରାଇଭରଙ୍କ ଶବ ବ୍ୟବଚ୍ଛେଦ ପାଇଁ ରଣପୁର ପଠାଯାଇଛି ।
