ବାଲେଶ୍ୱର (ବାଘୁଆବାର୍ତ୍ତା): ବାଲେଶ୍ୱର ଜିଲ୍ଲା ଇଟାମସିଦା ଛକ ନିକଟରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି । ବାଇକକୁ ପଛପଟୁ ଧକ୍କା ଦେଇଛି ଡମ୍ପର । ଦୁର୍ଘଟଣାରେ ଭଉଣୀ ଜୀବନ ଚାଲି ଯାଇଥିବା ବେଳେ ଭାଇ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଛି । ଏକ ବାଇକରେ ଶିବ ଶଙ୍କର ତାଙ୍କ ଭଉଣୀ ମଞ୍ଜୁଲତାଙ୍କୁ ବସାଇ ଆସୁଥିଲେ । ଏହି ସମୟରେ ଇଟାମସିଦା ଛକ ନିକଟରେ ବାଇକ ପଛପଟୁ ଡମ୍ଫରଟି ଧକ୍କା ଦେଇଥିଲା । ଘଟଣାସ୍ଥଳରେ ମଞ୍ଚୁଲତାଙ୍କ ମୃତ୍ୟୁ ଘଟିଥିଲା । ଭାଇ ଶିବଶଙ୍କର ଗୁରୁତର ହୋଇଥିଲେ । ଶିବଶଙ୍କର ବସ୍ତା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଛନ୍ତି । ପୁଲିସ ପହଞ୍ଚି ଘଟଣାର ତଦନ୍ତ କରୁଛି ।
