ବାହାଘର ଶୋଭାଯାତ୍ରାରେ ଦୁର୍ଘଟଣା: ବାଣଫୁଟି ଆଖି ନଷ୍ଟ

ଭଦ୍ରକ (ବାଘୁଆବାର୍ତ୍ତା): ବାହାଘର ଉତ୍ସବରେ ବାଣ ଫୁଟିବା ବେଳେ ବାଟରେ ଯାଉଥିବା ପଥଚାରୀଙ୍କ ପାଇଁ ମହଙ୍ଗା ପଡିଛି । ବାଣ ଫୁଟି ଆଖିରେ ପଡିବାରୁ ଆଖି ନଷ୍ଟ ହୋଇ ଯାଇଛି । କେବଳ ଏତିକି ନୁହେଁ ତଙ୍କୁ ଗୁରୁତର ଅବସ୍ଥାରେ ପ୍ରଥମେ ଭଦ୍ରକ ପରେ କଟକ ମେଡିକାଲକୁ ସ୍ଥାନାନ୍ତର କରାଯାଇଛି । କରୋନା କଟକଣା ସମୟରେ ଶୋଭାଯାତ୍ରା ଉପରେ କଟକଣା ଲାଗୁଥିବା ବେଳେ କେଉଁ ପରିସ୍ଥିତିରେ ଶୋଭାଯାତ୍ରା ସହ ବାଣ ଫୁଟିଲା ତାକୁ ନେଇ ପ୍ରଶ୍ନ ଉଠିଛି । ସୂଚନାନୁସାରେ, ପୁରୁଣାବଜାର ଥାନା ଅନନ୍ତର୍ଗତ ଲାହାପଟିଠାରେ ଏକ ବାହାଘର ବରଯାତ୍ରୀ ଶୋଭାଯାତ୍ରାରେ ବାହାରିଥିଲା । ଏହି ବାହାଘର ଉତ୍ସବରେ ରାସ୍ତା କଡରେ ବାଣ ଫୁଟାଯାଉଥିଲା । ଏହି ସମୟରେ ଉକ୍ତ ରାସ୍ତା ଦେଇ ଯାଉଥିବା ଯୁବକ ଜଣଙ୍କ ଗୁରୁତର ହୋଇଯାଇଥିଲେ । ଯୁବକ ଜଣଙ୍କୁ ଗୁରୁତର ଅବସ୍ଥାରେ ପ୍ରଥମେ ଭଦ୍ରକ ପରେ କଟକ ମେଡିକାଲ ରେଫର କରାଯାଇଥିବା ସୂଚନା ମିଳିଛି । ଯୁବକ ଆଖିରେ ବାଣ ଫୁଟି ଥିବାରୁ, ତାଙ୍କ ଆଖି ନଷ୍ଟ ହୋଇଥିବା ମଧ୍ୟ ସୂଚନା ମିଳିଛି । ଏନେଇ ଗୁରୁତର ଯୁବକଙ୍କ ଦାଦା ପୁରୁଣା ବଜାର ଥାନାରେ ଅଭିଯୋଗ କରିଛନ୍ତି ।