ବାହାଘରରୁ ଫେରୁଥିବା ବେଳେ ଟ୍ରକ ଧକ୍କା ଦେଲା: ସ୍ତ୍ରୀ ମୃତ, ସ୍ୱାମୀ ସହ ୬ ବର୍ଷର ଶିଶୁ ଆହତ

ଅନୁଗୁଳ (ବାଘୁଆବାର୍ତ୍ତା): ବାହାଘରରୁ ବାଇକରେ ୬ ବର୍ଷର ଶିଶୁକୁ ଧରି ଫେରୁଥିଲେ ଦମ୍ପତି ଘରକୁ । ହେଲେ ବାଟରେ ଧକ୍କା ଦେଲା ଟ୍ରକ । ଘଟଣାସ୍ଥଳରେ ସ୍ତ୍ରୀର ମୃତ୍ୟୁ ଘଟିଥିବା ବେଳେ ସ୍ୱାମୀ ଓ ୬ ବର୍ଷର ଶିଶୁ ଗୁରୁତର ହୋଇଛନ୍ତି । ଏଭଳି ଏକ ମର୍ମନ୍ତୁଦ ଦୁର୍ଘଟଣା ଅନୁଗୁଳ ପାଲହଡାର ଖମାର ଠାରେ ଘଟିଛି । ବତିସୁଆଁ ଗ୍ରାମର ଜ୍ୟୋତ୍ସ୍ନାରାଣୀ ସାହୁ ୬ ବର୍ଷର ଶିଶୁକୁ ଧରି ସ୍ୱାମୀ ସହ ବାଇକରେ ତାଳଚେରରୁ ଏକ ବାହାଘରରେ ଯୋଗ ଦେଇ ଘରକୁ ଫେରୁଥିଲେ । ପାଲହଡା ନିକଟ ଖମାର ଠାରେ ବାଇକକୁ ପଛପଟୁ ଏକ ଟ୍ରକ ଧକ୍କା ଦେଇଥିଲା । ଦୁର୍ଘଟଣାରେ ଜ୍ୟୋତ୍ସ୍ନାରାଣୀଙ୍କ ମୃତ୍ୟୁ ହୋଇଥିବା ବେଳେ ସ୍ୱାମୀ ଓ ଶିଶୁ ଗୁରୁତର ହୋଇଥିଲେ । ଗୁରୁତର ଅବସ୍ଥାରେ ଆହତ ବାପା ଓ ଶିଶୁକୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଘଟଣାସ୍ଥଳରେ ପୋଲିସ ପହଞ୍ଚି ଟ୍ରକକୁ ଜବତ କରିବା ସହ ଡ୍ରାଇଭରକୁ ଖମାର ଥାନାରେ ଅଟକ ରଖିଛି ।