କୋରାପୁଟ, (ବାଘୁଆବାର୍ତ୍ତା): ୨୬ନଂ ଜାତୀୟ ରାଜପଥ ଉପରେ ମର୍ମନ୍ତୁଦ ସଡ଼କ ଦୁର୍ଘଟଣା । ଦୁର୍ଘଟଣାରେ ୨ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି । ଜାତୀୟ ରାଜପଥ ଅଞ୍ଚଳ ବାସିନ୍ଦା ମୃତଦେହ ରଖି ରାସ୍ତା ଅବରୋଧ କରିଛନ୍ତି । ଉଭୟ ପାର୍ଶ୍ଵରେ ବହୁ ସଂଖ୍ୟାରେ ଜାନବାହାନ ଅଟକି ରହିଛି । ସୂଚନାନୁସାରେ, କୋରାପୁଟ ଜିଲ୍ଲା ୨୬ନଂ ଜାତୀୟ ରାଜପଥ ବଗେଇ ପଦର ନିକଟରେ ସ୍କୁଟି ସହ ବୋଲୋରୋ ମୁହାଁମୁହିଁ ଧକ୍କା ହୋଇଛି । ଦୁର୍ଘଟଣାରେ ଦୁଇ ଜଣ ପ୍ରାଣ ହରାଇଛନ୍ତି । ଘଟଣାସ୍ଥଳରେ ଜଣେ ଓ କୋରାପୁଟ ମେଡିକାଲରେ ଚିକିତ୍ସାଧିନ ଅବସ୍ଥାରେ ଜଣଙ୍କର ମୃତ୍ୟୁ ହୋଇଛି । ମୃତକ ହେଲେ ଗୋପୀ ଖୋସଲା ଓ ଆଲୁଆ ଖୋସଲା । କୋରାପୁଟରୁ କୋଲାବ ଫେରୁଥିବା ବେଳେ ଦୁର୍ଘଟଣା ଘଟିଛି । ଘଟଣାସ୍ଥଳରେ କୋରାପୁଟ ସଦର ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
