ଦ୍ୱାରଶୁଣୀ ଘାଟିରେ ଦୁର୍ଘଟଣା:ବାଇକ୍ ଆରୋହୀ ମୃତ, ୭ ଯାତ୍ରୀ ଆହାତ

ବାରିପଦା, (ବାଘୁଆବାର୍ତ୍ତା): ବାଙ୍ଗିରିପୋଷି ଦ୍ୱାରଶୁଣୀ ଘାଟିରେ ଦୁର୍ଘଟଣା । ଘାଟିରେ ଯାତ୍ରୀବାହୀ ବସକୁ ଧକ୍କା ଦେଲା ଟ୍ରକ୍ । ଘଟଣାସ୍ଥଳରେ ବାଇକ୍ ଆରୋହୀର ମୃତ୍ୟୁ ହୋଇଥିବା ବେଳେ ୭ଜଣ ଯାତ୍ରୀ ଗୁରୁତର ଭାବେ ଆହାତ ହୋଇଛନ୍ତି । ସୂଚନାନୁସାରେ, ବାରିପଦା ବାଙ୍ଗିରିପୋଷି ଦ୍ୱାରଶୁଣି ଘାଟିରେ ଏକ ଟ୍ରକ ପ୍ରଥମେ ବାଇକ୍ ଆରୋହୀକୁ ଧକ୍କା ଦେଇଥିଲା । ଟ୍ରକ୍ ଚାଳକ ବିଚଳିତ ହୋଇ ଭାରସାମ୍ୟ ହରାଇ ଯାତ୍ରୀବାହୀ ବସକୁ ଧକ୍କା ଦେଇଥିଲା । ଯାହାଫଳରେ ଯାତ୍ରୀବାହି ବସ୍ ଶିବପାର୍ବତୀରେ ଥିବା ଯାତ୍ରୀମାନଙ୍କ ମଧ୍ୟରୁ ୭ଜଣ ଗୁରୁତର ଆହାତ ହୋଇଥିବା ବେଳେ ବାଇକ୍ ଆରୋହୀର ଘଟଣାସ୍ଥଳରେ ମୃତ୍ୟୁ ହୋଇଥିଲା । ଗୁରୁତର ଆହାତ ବ୍ୟକ୍ତିମାନଙ୍କୁ ସ୍ଥାନୀୟ ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ଖବର ପାଇ ଘଟଣାସ୍ଥଳରେ ପୁଲିସ୍ ପହଞ୍ôଚ ତଦନ୍ତ ଆରମ୍ଭ କରିଛି ।