ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ବରିଷ୍ଠ ନାଗରିକ ଗୋଷ୍ଠିକେନ୍ଦ୍ର ସଭାଗୃହଠାରେ ଅବସରପ୍ରାପ୍ତ ପୋଲିସ କର୍ମଚାରୀ କଲ୍ୟାଣ ସଂଘ ନୟାଗଡ଼ର ସାଧାରଣ ଅଧିବେସନ ନଂ ୧/୨୩ ଅନୁଷ୍ଠିତ ହୋଇଥିଲା । ଉକ୍ତ ସାଧାରଣ ଅଧିବେସନରେ ସଂଘର ସଭାପତି ଅଭିମନ୍ୟୁ ପରିଡା ସଭାପତିତ୍ୱ କରିଥିôବାବେଳେ ସଂପାଦକ ଗୋପାଳ ଚନ୍ଦ୍ର ନାୟକ ପୁର୍ବ ସଭାର ବିବରଣୀ ପାଠ କରିଥିଲେ । କ୍ୟାସିୟର କିଶୋର ଚନ୍ଦ୍ର ଶତପଥି ସଂଘର ଆୟବ୍ୟୟ ପଠନ କରିଥିଲେ । ଉକ୍ତ ସଭାରେ ସଂଘର ଉପଦେଷ୍ଟା ଅମୁଲ୍ୟ କୁମାର ମହାନ୍ତି, ଅକ୍ଷୟ କୁମାର ଦାସ, ସଭ୍ୟ ଅନ୍ତର୍ଯ୍ୟାମୀ ମହାନ୍ତି, ରାମଚନ୍ଦ୍ର ମହାପାତ୍ର, ରମେଶ ଚନ୍ଦ୍ର ମହାନ୍ତି, ଦିଲ୍ଲିପ କୁମାର ଜେନା, କ୍ୟାସିୟର କିଶୋର ଚନ୍ଦ୍ର ଶତପଥି ମାନେ ତାଙ୍କର ମୁଲ୍ୟବାନ ବକ୍ତବ୍ୟ ରଖିଥିଲେ । ସଂଘର ନୁତନ କର୍ମକର୍ତ୍ତା ଚୟନ କରାଯାଇଥିଲା । ନୁତନ ସଭାପତି ଭାବେ ଅକ୍ଷୟ କୁମାର ଦାସ, ଉପସଭାପତି ଭାବେ ଧନେଶ୍ୱର ନାହାକ ଏବଂ ପୁର୍ଣ୍ଣଚନ୍ଦ୍ର ମିଶ୍ର, ନୁତନ ସଂପାଦକ ଭାବେ ପୁର୍ବତନ ସଂପାଦକ ଗୋପାଳ ଚନ୍ଦ୍ର ନାୟକ, କ୍ୟାସିୟର ଭାବେ ରମେଶ ଚନ୍ଦ୍ର ମହାନ୍ତି, ଯୁଗ୍ମ ସଂପାଦକ ଭାବେ ଯୋଗୀନାଥ ଜେନା, ବୈକୁଣ୍ଠ ନାଥ ସାହୁ ଏବଂ ଉପଦେଷ୍ଟା ଭାବେ ଅମୁଲ୍ୟ କୁମାର ମହାନ୍ତି ଏବଂ ଅଭିମନ୍ୟୁ ପରିଡାଙ୍କୁ ମନୋନୀତ କରାଗଲା । ବରିଷ୍ଠ ସଭ୍ୟ ତଥା ଉପଦେଷ୍ଟା ଅମୁଲ୍ୟ କୁମାର ମହାନ୍ତି ନୁତନ ଭାବେ ମନୋନୀତ କର୍ମକର୍ତ୍ତା ମାନଙ୍କୁ ଶପଥପାଠ କରିଥିଲେ ।
