ନୟାଗଡ଼,(ବାଘୁଆବାର୍ତ୍ତା): ଭୂବନେଶ୍ୱର ଫେରନ୍ତାଙ୍କୁ ନାମ ପଂଜିକରଣ କରିବାକୁ କହିବାରୁ ଆଶାକର୍ମୀଙ୍କ ଉପରେ ହୋଇଛି ଆକ୍ରମଣ । ରଣପୁର ବ୍ଲକ ବୃନ୍ଦାବନପୁର ପଂଚାୟତ ବିନୋଦପଡ଼ା ଗ୍ରାମର ଆଶାକର୍ମୀ ନଳୀନ ପ୍ରଧାନ ଜଣେ ଭୂବନେଶ୍ୱର ଫେରନ୍ତାଙ୍କୁ ନାମ ପଂଜିକରଣ କରି ପୃଥକ ବାସରେ ରହିବାକୁ ପରାମର୍ଶ ଦେବାରୁ ଉକ୍ତ ଯୁବକ ଏବଂ ଯୁବକଙ୍କ ବାପା ଆଶାକର୍ମୀଙ୍କ ଉପରେ ଆକ୍ରମଣ କରିଥିବା ନେଇ ଅଭିଯୋଗ ହୋଇଛି । ଆଶାକର୍ମୀ ନଳୀନୀ ରଣପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେବା ପରେ ରଣପୁର ଥାନାରେ ଏନେଇ ଅଭିଯୋଗ କରିଛନ୍ତି । ନଳିନୀଙ୍କ ଅଭିଯୋଗ ଅନୁସାରେ ପୁଲିସ ତଦନ୍ତ କରି ଦୁଇ ଜଣଙ୍କୁ ଥାନାରେ ଅଟକ ରଖି ପଚାରା ଉକ୍ଟ୍ରରା ଚଳାଇଥିବା ଜଣାଯାଇଛି ।
