ଭାପୁର ବ୍ଲକରେ ଅବ୍ୟବସ୍ଥା ଓ ଅନୀୟମିତା
ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲା ଭାପୁର ବ୍ଲକରେ ପ୍ରଧାନମନ୍ତ୍ରୀ ଆବାସ ଯୋଜନା, ବାର୍ଦ୍ଧକ୍ୟ ଭତ୍ତା, ପରିମଳ ଯୋଜନା, ମନରେଗା ସମେତ ଅନ୍ୟାନ୍ୟ ଉନ୍ନତି ମୂଳକ କାର୍ଯ୍ୟରେ ବ୍ୟାପକ ଅନିୟମିତତା,ଦୁର୍ନୀତି ଏବଂ ବ୍ୟାପକ ପିସି କାରବାର ବିରୋଧରେ ଆଜି ୪୧ଜଣ ବରିଷ୍ଠ ନେତା, ସରପଂଚ ଓ ସମିତିସଭ୍ୟ ଭାପୁର ବ୍ଲକ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନରେ ଆଜି ଦ୍ୱିତୀୟ ଦିନରେ ପହଂଚିଛି । ଏହି ଅନଶନ ଚାଲିଥିବା ବେଳେ ଅନଶନରେ ବସିଥିବା ବ୍ୟକ୍ତିଙ୍କ ମଧ୍ୟରୁ ତିନିଜଣ ଅସୁସ୍ଥ ହୋଇପଡ଼ିଛନ୍ତି । ସେମାନେ ହେଲେ ବଳଦିଆନୂଆଗାଁର ରବୀନ୍ଦ୍ର ନାଥ ପଟ୍ଟନାୟକ, ମାଳିବେରଣୀର ସନ୍ତୋଷ କୁମାର ସାମଲ ଏବଂ ବାଉଁଶବାଟୀର ଶାନ୍ତନୁ ମଲ୍ଲିକ । ଭାପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା କରାଯିବା ପରେ ସେମାନେ ପୁଣିଥରେ ଅନଶନରେ ସାମିଲ ହୋଇଛନ୍ତି ।
