କନ୍ଧମାଳ, (ବାଘୁଆବାର୍ତ୍ତା): ଭିଜିଲାନ୍ସ ଜାଲରେ ଫିରିଙ୍ଗିଆ ବ୍ଲକ ର କନିଷ୍ଠ ଯନ୍ତ୍ରୀ ଅଶୋକ କୁମାର ପାଢ଼ୀ । ଗୋଛାପଡା ଅଞ୍ଚଳର ଏକ ଠିକା କାମର ଫାଇନାଲ ବିଲ କରିଦେବା ପାଇଁ ରଘୁନାଥ ମହାକୁଡ଼ଙ୍କ ଠାରୁ ୧୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରା ପଡିଛନ୍ତି । ସରକାରୀ ବାସଭବନରେ ଆଜି ସକାଳେ, ରଘୁନାଥ ଙ୍କ ଫାଇନାଲ ବିଲ କରେଇବା ସହ ଦଶ ହଜାର ଟଙ୍କା ଦାବି କରିଥିଲେ । ଏହା ପୂର୍ବରୁ ରଘୁନାଥ ଭିଜିଲାନ୍ସ ଅଫିସ ରେ ଜଣାଇଥିଲେ । ଆଜି ଟଙ୍କା ନେଉଥିବା ବେଳେ, ଫୁଲବାଣୀ ଭିଜିଲାନ୍ସ ଡିଏସପି ଓ ଟିମ୍ ପହଞ୍ଚି କେମିକାଲ ଓ କଲର ବୋଲା ଟଙ୍କା ଜବତ ସହ ଜେଇ ଅଶୋକ ପାଢ଼ୀଙ୍କୁ ଗିରଫ କରି ଫୁଲବାଣୀ ଭିଜିଲାନ୍ସ ଅଫିସ ରେ ଅଧିକ ପଚରଉଚରା କରିବା ସହ ତଦନ୍ତ ଆରମ୍ଭ କରିଛି । ଅନ୍ୟପଟେ, ଅଶୋକ ଙ୍କ ପୈତୃକ ବ୍ରହ୍ମପୁର ସହରରେ ଥିବା ବାସ ଭବନ ଓ ଶଶୁର ଙ୍କ ଘରେ ଏକ ଟିମ୍ ମଧ୍ୟ ଚଢ଼ାଉ ଜାରି ରଖିଛନ୍ତି ।
