ମହାନଦୀ କୂଳରେ ପଡିଛି ଯୁବକଙ୍କ ମୃତଦେହ

ସାଲେପୁର, (ବାଘୁଆବାର୍ତ୍ତା): ସାଲେପୁର କିଶନନଗର ଥାନା ଗୁଆଳି ମଠ ସାହି ମହାନଦୀ କୂଳରେ ଯୁବକକୁ ହତ୍ୟା । ମୃତ ଯୁବକ ଜଣକ ହେଲେ ନିଶ୍ଚିନ୍ତକୋଇଲି ସରପଡା ବୋଧଙ୍ଗ ଗାଁ ର ଦେବେନ୍ଦ୍ର ସ୍ବାଇଁ ଙ୍କ ପୁଅ ଅମ୍ଳାନ ଜ୍ୟୋତି ସ୍ବାଇଁ। ଅମ୍ଳାନ ଜ୍ୟୋତି ଙ୍କୁ କେହି ମାରି ମହାନଦୀ ରେ ଫିଙ୍ଗି ଦେଇ ଥିବା ଅଭିଯୋଗ ହୋଇଛି।। କିଛି ଦୁରରେ ବାଇକ୍ ସହ ପ୍ୟାଣ୍ଟ୍ ,ସାର୍ଟ,ଚପଲ ମଧ୍ୟ ପଡ଼ିଛି ।କିଶନନଗର ପୋଲିସ ଓ ସାଲେପୁର ପୋଲିସ ର ତଦନ୍ତ ଜାରି । ସୂଚନା ମୁତାବକ ଦେବେନ୍ଦ୍ର ଙ୍କ ପରିବାର ସାଲେପୁର ମାଛୁଆତି ଗ୍ରାମରେ ଭଡା ନେଇ ରହୁଥିଲେ ।ପ୍ରତିଦିନ ଭଳି ପୁଅ ଅମ୍ଳାନ ଗତ କଲି ସନ୍ଧ୍ୟା ରେ ଯୋଗ କରିବାକୁ ଆସି ଘରକୁ ଫେରି ନଥିଲେ। ବିଭିନ୍ନ ସ୍ଥାନରେ ଖୋଜା ଖୋଜି କରିବା ପରେ ଆଜି ସକାଳୁ କିଶନନଗର ଥାନା ମହାନଦୀ କୁଳରେ ଏକ ମୃତ ଦେହ ପଡିଥିବା ବେଳେ ଅନତି ଦୂରରେ ବାଇକ୍ ଓ ପ୍ୟାଣ୍ଟ୍ ,ସାର୍ଟ, ଚପଲ ପଡିଥିବାର ଦେଖି ସ୍ଥାନୀୟ ଲୋକେ ପୋଲିସ କୁ ସୂଚନା ଦେଇ ଥିଲେ। ପରେ ପରିବାର ସଦସ୍ୟ ନିଜ ପୁଅ କୁ କେହି ମାରି ଫିଙ୍ଗି ଦେଇ ଥିବା ନେଇ ଥାନାରେ ଅଭିଯୋଗ କରିଛନ୍ତି। ଘଟଣା ସ୍ଥଳରେ ପୋଲିସ ପହଂଚି ମୃତ ଦେହ ଗାଡି ଓ ମୋବାଇଲ କୁ ଜବତ୍ କରି ବିଭିନ୍ନ ଦିଗ କୁ ନେଇ ତଦନ୍ତ ଚଳାଇଛି ।