ବସଷ୍ଟାଣ୍ଡରେ ଅସମାଜିକଙ୍କୁ ପାର କରାଇବାକୁ ଜମୁଛି ଆଡ୍ଡା
ନୟାଗଡ଼,(ବାଘୁଆବାର୍ତ୍ତା): କରୋନାକୁ ନେଇ ସାରା ବିଶ୍ୱରେ ଆତଙ୍କ ସୃଷ୍ଟି ହେଇଥିବା ବେଳେ ସରକାରା ସଂମ୍ପୁର୍ଣ୍ଣ ଭାରତକୁ ଲକ୍ ଡାଉନ୍ ଘୋଷଣା କରିଛନ୍ତି । ଏହି ପ୍ରରିପ୍ରେକ୍ଷିରେ ନୟାଗଡ଼ରେ କଟକଣା ଲାଗୁ କରାଯାଇଥିବା ବେଳେ ସହରର କିଛି ଶିକ୍ଷିତ ବ୍ୟକ୍ତିଙ୍କ ଜାଣିଶୁଣି ଅଶିକ୍ଷିତତାର ପରିଚୟ ଦେଉଥିବା ନେଇ ଚର୍ଚ୍ଚା ଚାଲିଛି । କିଛି ଅସମାଜିକ ବ୍ୟକ୍ତିଙ୍କୁ ପୁଲିସ ଯାଂଚରୁ ଖସେଇବା ପାଇଁ ଏହି ଆଡ୍ଡା ଜମା ଯାଉଥିବା ସୂଚନା ମିଳିଛି । ସୂଚନାନୁସାରେ, ନୟାଗଡ଼ ପୁରୁଣା ବସଷ୍ଟାଣ୍ଡକୁ ପ୍ରଶାସନ ତରଫରୁ ବିଶୋଧନ କରାଯାଇଛି । ଏହି ସ୍ଥାନରେ ପୁଲିସ କର୍ମଚାରୀମାନେ ବସା ଉଠା କରିବାକୁ ବ୍ୟବସ୍ଥା କରାଯାଇଛି । ମୁଖ୍ୟ ଟ୍ରାଫିକ ଛଳରେ କଡ଼ାକଡ଼ି ଯାଂଚ କରାଯାଉଛି । ମାତ୍ର ପ୍ରତ୍ୟେକ ଦିନ ସଂନ୍ଧ୍ୟାରେ ଏଠାରେ ପୁଲିସ କର୍ମଚାରୀଙ୍କ ସହ ସାମ୍ବାଦିକ ଏବଂ ଅନ୍ୟ କିଛି ଶିକ୍ଷିତ ବ୍ୟକ୍ତି ଏଠାରେ ଆଡ୍ଡା ଜମାଉଥିବା ବେଳେ ସେମାନଙ୍କ ମଧ୍ୟରୁ କିଛି ଖଳ ପ୍ରକୃତିର ଲୋକ କିଛି ଅସମାଜିକ ବ୍ୟକ୍ତିଙ୍କୁ ପୁଲିସ ଯାଂଚରୁ ଖସାଇବାକୁ ସେଠାରେ ଆଡ୍ଡା ମାରିବା ସହ ଭିତିରିଆ ଖେଳ କରୁଥିବା ସୂଚନା ମିଳିଛି । ସହରକୁ ଲକ୍ ଡାଉନ୍ ଘୋଷଣା କରାଯାଇଥିବା ବେଳେ ଦିନ ୧୦ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ଦୀର୍ଘ ୬ ଘଣ୍ଟା ନିତ୍ୟ ବ୍ୟବହାର୍ଯ୍ୟ ସାମଗ୍ରୀ କିଣାବିକା ପାଇଁ କୋହଳ କରାଯାଇଛି । ମାତ୍ର ଏହି ଶିକ୍ଷିତ ବ୍ୟକ୍ତିମାନେ ପୁଲିସ ଆଗରେ ନିଜର ପତିଆରା ବୃଦ୍ଧି କରିବା ପାଇଁ ବିନା କାରଣରେ ବାହାନା ସୃଷ୍ଟି କରି ବସଷ୍ଟାଣ୍ଡରେ ଆଡ୍ଡା ମାରୁଛନ୍ତି । ଯାହାକୁ ନେଇ ପୁଲିସ ଯାଂଚର ସମ୍ମୁଖୀନ ହୋଇ ମାଡ଼ ଖାଉଥିବା ଲୋକେ, ପୁଲିସ ପ୍ରତି ଅଙ୍ଗୁଳି ନିର୍ଦ୍ଦେଶ କରୁଛନ୍ତି ।
