ନୟାଗଡ଼,(ବାଘୁଆବାର୍ତ୍ତା): ସାରା ଦେଶରେ କରୋନାକୁ ନେଇ ଲକ୍ ଡାଉନ୍ ଘୋଷଣା କରାଯାଇଥିବା ବେଳେ ନୟାଗଡ଼ ସହରରେ ଏହା ପ୍ରଭାବ ହୀନ ସଦୃଶ ମନେ ହେଉଛି । ଯାହାକୁ ନେଇ ଜିଲ୍ଲାପାଳ ଆଜି ସଂନ୍ଧ୍ୟାରେ ଜଗନ୍ନାଥ ମନ୍ଦିରଠାରୁ ଜିଲ୍ଲା ମୁଖ୍ୟ ଚିକିତ୍ସାଳୟ ପର୍ଯ୍ୟନ୍ତ ଚାଲି ଚାଲି ଆସିବା ସହ ବିଭିନ୍ନ ପଦକ୍ଷେପ ଗ୍ରହଣ କରିଛନ୍ତି । ଜିଲ୍ଲାପାଳ ପୁରୁଣା ସହରରେ ରୁଣ୍ଡ ହୋଇଥିବା ଲୋକଙ୍କୁ ତାଗିଦ୍ କରିବା ସହ ବିଭିନ୍ନ ସ୍ଥାନରେ ଲୋକେ ତାଙ୍କୁ ଦେଖି ଦୈାଡ଼ି ପଳାଇଥିବା ଜଣାଯାଇଛି । ଏଥିସହିତ ଜିଲ୍ଲାପାଳ ରାସ୍ତାରେ ବିଭିନ୍ନ ଗାଡ଼ି ମୋଟର ଯାଂଚ କରିଥିବା ବେଳେ ଟାଉନହଲଠାରେ ନିରାଶ୍ରୟଙ୍କ ପାଇଁ ଖୋଲା ଯାଇଥିବା କେନ୍ଦ୍ର ପରିଦର୍ଶନ କରିଥିଲେ । ଜିଲ୍ଲାପାଳ ପୁରୁଣା ବସଷ୍ଟାଣ୍ଡରେ ପହଂଚିବା ପର୍ଯ୍ୟନ୍ତ ପୁଲିସ କର୍ମଚାରୀମାନେ ଏନେଇ କୈାଣସି ଖବର ପାଇନଥିବା ବେଳେ ପରୁଣା ବସଷ୍ଟାଣ୍ଡଠାରେ ଜାଣିଥିଲେ । ଜିଲ୍ଲାପାଳ ପୁରୁଣା ବସଷ୍ଟାଣ୍ଡଠାରେ ପୁଲିସ କର୍ମଚାରୀଙ୍କ ପାଇଁ ତିଆରି ହେଉଥିବା ଟେଣ୍ଡ ଦେଖିବା ସହ ତଦାରଖ କରିଥିଲେ । ଏଥିସହିତ ଜିଲ୍ଲାପାଳ ବିଭିନ୍ନ ଔଷଧ ଦୋକାନ ବୁଲି ସାମାଜିକ ଦୂରତା ଅବଲମ୍ବନ କରିବାକୁ ପରାମର୍ଶ ଦେଇଥିଲେ ।
ଦମ୍ ଦେଖାଇଲେ ଜିଲ୍ଲାପାଳ
