ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଆଇନଜିବୀ ସଂଘର ନିର୍ବାଚନ ପାଇଁ କୋର୍ଟ ଚଳଚଂଚଳ ହୋଇପଡ଼ିଥିବା ନାମାଙ୍କନ ସହ ଚୁଡ଼ାନ୍ତ ପାର୍ଥୀ ତାଲିକା ପ୍ରକାଶ ପାଇଛି । ଆସନ୍ତା ମାର୍ଚ୍ଚ ମାସ ୨୮ ତାରିଖରେ ଆଇନଜୀବୀ ସଂଘର ନିର୍ବାଚନ ଅନୁଷ୍ଠିତ ହେବାକୁ ଥିବା ବେଳେ ପ୍ରକାଶ ପାଇଛି ଚୁଡାନ୍ତ ପାର୍ଥୀ ତାଲିକା ଅନୁଯାୟୀ ସଂଘ ସଭାପତି ପଦ ପାଇଁ ତିନି ଜଣ ପାର୍ଥୀ ରହିଥିବା ଜଣାଯାଇଛି । ଆଇନଜୀବୀ ବଂଶୀଧର ରାଉତରାୟ, ପ୍ରସନ୍ନ କୁମାର ରଥ ଏବଂ ରଣଜିତ୍ ଦାଶ ସଭାପତି ପଦ ପାଇଁ ନିର୍ବାଚନ ଲଢ଼ୁଥିବା ବେଳେ ଉପସଭାପତି ପଦ ପାଇଁ ମଦନ ମୋହନ ପଣ୍ଡା, ପ୍ରମୋଦ କୁମାର ଦାଶ ନିର୍ବାଚନ ଲଢ଼ୁଛନ୍ତି । ସେହିଭଳି ସଂପାଦକ ପଦ ପାଇଁ ଅରୁଣ କୁମାର ମହାପାତ୍ର, କାଳୁ ଚରଣ ସ୍ୱାଇଁ, ନିରଞ୍ଜନ ମିଶ୍ର, ସମୀର କୁମାର ନାୟକ ନିର୍ବାଚନ ଲଢ଼ୁଥିବା ବେଳେ ଯୁଗ୍ମ ସଂପାଦକ ପଦ ପାଇଁ ଅଜୟ କୁମାର ରାଉତ, ବିଶ୍ୱରଂଜନ ମହାପାତ୍ରଙ୍କ ମଧ୍ୟରେ ପ୍ରତିଦ୍ୱନ୍ଦିତା ହେବ ବୋଲି ଜଣାଯାଇଛି । ସେହିଭଳି କ୍ରୋଷାଧ୍ୟକ୍ଷ ପଦ ପାଇଁ ନୃସିଂହ ଚରଣ ପଟ୍ଟନାୟକ ଏବଂ ପ୍ରଶାନ୍ତ କୁମାର ଜେନାଙ୍କ ମଧ୍ୟରେ ନିର୍ବାଚନ ଅନୁଷ୍ଠିତ ହେବ ବୋଲି ନିର୍ବାଚନ ଅଧିକାରୀ ଆଇନଜିବୀ ନିରଞ୍ଜନ ମହାପାତ୍ର ସୂଚନା ଦେଇଛନ୍ତି । ଏଥିସହିତ ୬ଜଣ କାର୍ଯ୍ୟ ନିର୍ବାହୀ ସଦସ୍ୟ ଭାବେ ଅପ୍ରତିଦ୍ୱନ୍ଦୀ ଭାବେ ନିର୍ବାଚିତ ହୋଇଛନ୍ତି । ଆଇନଜୀବୀ ଚିତ୍ତରଂଜନ ପ୍ରଧାନ, ନିରଞ୍ଜନ ବିଶ୍ୱାଳ, ଶୈଲେନ୍ଦ୍ର ନାରାୟଣ ପଟ୍ଟନାୟକ, ଶୁଭେନ୍ଦୁ କୁମାର ଦାଶ, ତ୍ରିନାଥ ନାୟକ କାର୍ଯ୍ୟ ନିର୍ବାହୀ ସଦସ୍ୟ ହୋଇଛନ୍ତି ।
