ନୟାଗଡ଼, (ବାଘୁଆବାର୍ତ୍ତା): ରଙ୍ଗର ପର୍ବ ହୋଲି ରଙ୍ଗ ଆଜି ସାମାନ୍ୟ ଫିକା ପଡ଼ିଛି । କୋରନା ଭୟରେ ଲୋକେ ଆଜି ରଙ୍ଗ ଖେଳିବାକି ଅନିଚ୍ଛା ପ୍ରକାଶ କରିଛନ୍ତି । ହୋଲି ରଙ୍ଗକୁ ବେଶ ଉପଭୋଗ କରୁଥିବା ଲୋକେ ରଙ୍ଗକୁ ଛାଡ଼ି ନାଲି ପାଣିକୁ ଆଦରିଛନ୍ତି । ରଙ୍ଗର ପର୍ବ ହୋଲି ଆଜି କିଛିମାତ୍ରାରେ ଭୋଜିଭାତର ଦିନ ଭାବେ ବଦଳିଛି । ଅନେକ ସ୍ଥାନରେ ଆଜି ଭୋଜିଭାତ ସହ ନାଲି ପାଣିର ମଜା ଉଠାଇଛନ୍ତି ଲୋକେ । ପ୍ରଶାସନ ହୋଲିରେ ମଦ ଦୋକାନକୁ ସିଲ କରି ଦେଇଥିବା ବେଳେ କରୋନା ଭୟରେ ଲୋକମାନେ କାଲିଠାରୁ ପ୍ରସ୍ତୁତ ଥିଲେ । ଆଜି ଅନେକ ଢାବା, ମଦ ଦୋକାନ ନିକଟବର୍ତ୍ତୀ ସ୍ଥାନରେ ମଦ ବିକ୍ରି କରାଯାଇଥିବା ଦେଖିବାକୁ ମିଳିଥିଲା । ଅନ୍ୟପକ୍ଷେ, ବଜାରରେ ଆଜି ଚିକେନ ଦୋକାନ ଫାଙ୍କାପଡ଼ିଥିବା ବେଳେ ମାଛ ଓ ମଟନ ଦୋକାନରେ ବେଶ ଭିଡ଼ ଦେଖାଯାଇଛି ।
