ନୟାଗଡ଼, (ବାଘୁଆବାର୍ତ୍ତା): ଶ୍ରାବଣ ମାସର ଆଜି ହେଉଛି ଦ୍ବିତୀୟ ସୋମବାର। ବାବାଙ୍କ ପୀଠରେ ଜଳଲାଗି କରିବା ପାଇଁ କାଉଡ଼ିଆ ମାନେ ନିଜର ମାନସିକ ଧାରି ବିଭିନ୍ନ ଶୈବପୀଠର ବାବାଙ୍କ ପାଖରେ ଜଳଲାଗି କରିଥାନ୍ତି । ସେହିପରି ପରି ଭାବେ ନୟାଗଡ଼ ଶରଣକୁଳ ପ୍ରଶିଦ୍ଧ ଶୈବ ପୀଠ ଲଡୁ ବାବାଙ୍କ ପୀଠରେ ଆଜି ସକାଳୁ ସକାଳୁ ବିଭିନ୍ନ ଜିଲ୍ଲାରୁ ୧୦ହଜାରରୁ ଉର୍ଦ୍ଧ୍ବ କାଉଡ଼ିଆ ମାନେ ଜଳଲାଗି କରିଥିଲେ। ଦ୍ବିତୀୟ ପାଳି ସୋମବାରରେ କାଉଡ଼ିଆ ମାନଙ୍କ ପାଇଁ ଜିଲ୍ଲା ପ୍ରଶାସନ ଓ ପୋଲିସ ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥା ଓ ସୁବିଧାରେ ବାବାଙ୍କ ନିକଟରେ ଜଳଲାଗି କରିବା ପାଇଁ ବ୍ୟାରିକେଡ଼ ବ୍ୟବସ୍ଥା କରାଯାଇଛି । ଶ୍ରଦ୍ଧାଳୁ ଓ ମାନସିକ ଧାରି ମାନେ ନିକଟସ୍ଥ ନଦୀ କିମ୍ବା କଣ୍ଟିଲୋ ନୀଳମାଧବ ନିକଟସ୍ଥ ମହାନଦୀରୁ ପାଣି ଉଠାଇ ଶରଣକୁଳ ଲଡୁ ବାବାଙ୍କ ପୀଠକୁ ଆଗମନ କରିଥିଲେ ।
ମହାମାରୀ କରୋନା ସଂକ୍ରମର ଦୁଇବର୍ଷ ପରେ ଆଜି ଶାନ୍ତି ଶୃଙ୍ଖଳାର ସହ ଜଳଲାଗି କରିବା ସହ ବାବାଙ୍କ ଆର୍ଶୀବାଦ ପାଇ ମନ୍ଦିର ପରିଭ୍ରମଣ କରି ଅତ୍ୟନ୍ତ ଖୁସି ବ୍ୟକ୍ତ କରିଛନ୍ତି ଶ୍ରଦ୍ଧାଳୁ । ଶ୍ରାବଣ ମାସର ପ୍ରଥମ ସୋମବାରର ବାବାଙ୍କ ପାଖକୁ ଗଞ୍ଜାମ, ଅନୁଗୋଳ, ଢେଙ୍କାନାଳ, କଟକ, ଭଦ୍ରକ, ଖୋର୍ଦ୍ଧା, ପୁରୀ, କେନ୍ଦ୍ରାପଡ଼ା, ଜଗତସିଂହପୁର, ଦେବଗଡ଼, ସମ୍ବଲପୁର, କୋରାପୁଟ, ବାଲେଶ୍ଵର, ଯାଜପୁର ସମେତ ବିଭିନ୍ନ ଜିଲ୍ଲାର ବହୁ ଭକ୍ତ ଶରଣକୁଳ ଲଡୁବାବାଙ୍କ ପାଖରେ ଜଳଲାଗି କରି ଉତ୍ସାହିତ ହୋଇଥିବା ଜଣାପଡିଛି ।
