ଟଙ୍କା ନଦେବାରୁ ମା କୁ ପିଟିପିଟି ମାରିଦେଲା ପୁଅ

ଅନୁଗୁଳ, (ବାଘୁଆବାର୍ତ୍ତା): ଟଙ୍କା ମାଗିଲା ପୁଅ। ମନା କରିଦେଲା ମା’। ସବୁ ସମ୍ପର୍କ ଭୁଳି ଘର ଭିତରେ କବାଟ ଦେଇ ମାକୁ ବାଡେଇ ବାଡେଇ ମାରିଲା ପୁଅ। ମାରିଲା ପରେ ମୃତଦେହକୁ ଛାଡ଼ି ଘରେ ତାଲା ପକାଇ ଫେରାର ହୋଇଗଲା ମାତୃହନ୍ତା ପୁଅ। ଏଭଳି ଅଭାଭବୀୟ ଘଟଣା ବାଗଡ଼ିଗାଁ ଘଟିଛି। ମୃତକ ହେଲେ ଦେହୁରୀ ସାହିର ବୀଣାପାଣି ଦାସ। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। ସୂଚନା ମୁତାବିକ, ବୀଣାପାଣିଙ୍କୁ ତାଙ୍କର ସାନପୁଅ ତୁଷାର କାନ୍ତ ଦେହୁରୀ ଟଙ୍କା ମାଗିଥିଲା । କିନ୍ତୁ ସେ ନଦେବାରୁ ପୁଅ ମୁଣ୍ଡକୁ ପିତ ଚଢ଼ିଯାଇଥିଲା। ସେ ମାକୁ ଘର ଭିତରେ କବାଟ ଦେଇ ପିଟିପିଟି ମାରି ଦେଇଥିବା ସୂଚନା ମିଳିଛି। ଏପିରିକି ମାରିବା ପରେ ଘରେ ମୃତଦେହ ଛାଡି ବାହାର ପଟେ ତାଲା ପକାଇ ଫେରାର ହୋଇଯାଉଛି । ସେପଟେ ଖବର ପାଇ ଦେବଗଡ଼ ପାଖରୁ ତୁଷାରକୁ ଗିରଫ କରିଛି ପୋଲିସ। ଘରେ କେବଳ ମା ପୁଅ ରହୁଥିଲେ। ବଡ଼ ପୁଅ ବାହାରେ ଚାକିରି କରୁଛନ୍ତି। ଘଟଣା ଜଣାପଡିବା ପରେ ଛେଣ୍ଡିପଦା ପୋଲିସ ଘଟଣା ସ୍ଥଳରେ ପହଁଞ୍ଚି ମୃତଦେହ ଜବତ କରିବା ସହ ତଦନ୍ତ ଜାରି ରଖିଛି।