ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ବ୍ଲକ ଅନ୍ତର୍ଗତଃ ବାଲୁଗାଁ ଗ୍ରାମ ପଞ୍ଚାୟତ ସରକାରୀ ମଧ୍ୟ ଇଂରାଜୀ ବିଦ୍ୟାଳୟ ପରିସରରେ ଆସନ୍ତା କାଲି ବ୍ଲକ ସ୍ତରୀୟ ସ୍ୱାସ୍ଥ୍ୟ ମେଳା ଅନୁଷ୍ଠିତ ହେବ । ସକାଳ ୮ ଘଟିକାରୁ ଦିବା ୧ ଘଟିକା ପର୍ଯ୍ୟନ୍ତ ସ୍ୱାସ୍ଥ୍ୟ ମେଳା ଚାଲୁ ରହିବ । ଏହି ମେଳାରେ ବିଭିନ୍ନ ବିଶେଷଜ୍ଞ ଦ୍ୱାରା ଉପଲବ୍ଧ ହେଉଥିବା ସ୍ୱାସ୍ଥ୍ୟ ସେବା ଗୁଡ଼ିକ ଯୋଗାଇ ଦିଆଯିବ । ମୁଖ୍ୟତଃ ମାତୃସ୍ୱାସ୍ଥ୍ୟ, ଶିଶୁସ୍ୱାସ୍ଥ୍ୟ, ପ୍ରଜନକ ସ୍ୱାସ୍ଥ୍ୟ, ଚର୍ମରୋଗ, ଦନ୍ତ ସମସ୍ୟା, ଆରଟିଆଇ, ଏସଟିଆଇ, ଏଚଆଇଭି ଭଳି ମାରାତ୍ମକ ରୋଗ ଓ ତାସହିତ ଅଣ ସଂକ୍ରମକ ରୋଗ ତଥା ଡାଇବେଟିସ, ଉଚ୍ଚ ରକ୍ତଚାପ, କର୍କଟ, ମୋତିଆ ବିନ୍ଦୁ, ଯକ୍ଷ୍ମା, ମ୍ୟାଲେରିଆ ରୋଗ ସମ୍ବନ୍ଧରେ ଚିକିତ୍ସା କରାଯିବ । ପ୍ରଥମେ ରୋଗୀ ମାନେ ସେମାନଙ୍କ ନାମ ପଞ୍ଜିକୃତ କରାଇବେ । ସାଙ୍ଗରେ ଆଧାର କାର୍ଡ ଓ ଆଧାର ସଂଯୋଗ ମୋବାଇଲ ନମ୍ବର ନିତାନ୍ତ ଆବଶ୍ୟକ । ଉକ୍ତ ସ୍ୱାସ୍ଥ୍ୟ ମେଳାକୁ ଆସିବା ସମୟରେ ଏହାକୁ ସାଙ୍ଗରେ ଧରି ଆସିବେ । ବହୁ ସଂଖ୍ୟାରେ ଉକ୍ତ ସ୍ୱାସ୍ଥ୍ୟ ମେଳାରେ ଯୋଗ ଦେବା ପାଇଁ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ବଡ଼ପଣ୍ଡୁସର ପକ୍ଷରୁ ନିବେଦନ କରାଯାଇଛି ।
