ନୟାଗଡ଼ ମାଟିରେ ବହୁ କୃତ୍ତି ସନ୍ତାନ ଜନ୍ମ ନେଇଛନ୍ତି : ଆରୁଖ

ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ମହୋତ୍ସବ ଓ ପଲ୍ଲିଶ୍ରୀ ମେଳା ଆଜି ଉଦ୍ଯାପିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଶ୍ରୀଯୁକ୍ତ ବିକ୍ରମ କେଶରୀ ଆରୁଖ ନୟାଗଡ଼ ମାଟିରେ ବହୁ କୃତ୍ତି ସନ୍ତାନ ଜନ୍ମ ନେବା ସହ ପାରଦର୍ଶିତା ଲାଭ କରିଥିବା କହିଛନ୍ତି । ନୟାଗଡ଼ କବି ସମ୍ରାଟ ଉପେନ୍ଦ୍ର ଭଂଜଙ୍କ କର୍ମଭୂମି ଭାବେ ପରିଚିତ ହୋଇଥିବା ବେଳେ ଉତ୍କଳ ଘଣ୍ଟା ଯଦୁମଣୀ ମହାପାତ୍ର, ବିଶ୍ୱ ବିଖ୍ୟାତ ଜ୍ୟୋର୍ତି ବିଜ୍ଞାନୀ ପଠାଣି ସାମନ୍ତଙ୍କ ପାଇଁ ପରିଚିତ ଲାଭ କରିଛି । ଓଙ୍ଗ଼ିଶାର ଅନ୍ୟ ସ୍ଥାନ ଗୁଡ଼ିକ ମଧ୍ୟରୁ ନୟାଗଡ଼ ସ୍ୱତନ୍ତ୍ର ବୋଲି ମନ୍ତ୍ରୀ ଆରୁଖ କହିବା ସହ ଏଠାରେ ବାରମାସରେ ତେର ପର୍ବ ପାଳନ ହୋଇଥାଏ ବୋଲି କହିଛନ୍ତି । ସେହିଭଳି ୩୦ଟି ଜିଲ୍ଲାରୁ କଳା, ସଂସ୍କୃତି, ଐତିହ୍ୟରେ ନୟାଗଡ଼ ଆଗୁଆ ବୋଲି ମନ୍ତ୍ରୀ କହିବା ସହ ରଘୁଦିବାକରଙ୍କ ଭଳି ଅନେକ ସ୍ୱାଧିନତା ସଂଗ୍ରାମୀଙ୍କର ଜନ୍ମ ଏହି ମାଟିରେ ହୋଇଥିବା ନେଇ ସ୍ମୃତିଚାରଣ କରିଛନ୍ତି ।