ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ବ୍ଲକ ବିରୁଡ଼ା ପଞ୍ଚାୟତ ନିର୍ବାଚିତ ସମସ୍ତସଭ୍ୟ ମହିଳା ବୋଲି ଜଣାଯାଇଛି । ନିର୍ବାଚନ ମଇଦାନରେ ତୁଙ୍ଗ ନେତାଙ୍କ ଧୂଳି ଚଟାଇ ସରପଞ୍ଚ ଓ ସମିତି ସଭ୍ୟଙ୍କଠାରୁ ଆରମ୍ଭ କରି ୱାର୍ଡ଼ସଭ୍ୟ ପର୍ଯ୍ୟନ୍ତ ସମସ୍ତେ ମହିଳା ବିଜୟୀ ହୋଇଛନ୍ତି । ସରପଞ୍ଚ ଭାବେ ପୂର୍ବତନ ସରପଞ୍ଚ ବିଷ୍ଣୁପ୍ରିୟା ସ୍ୱାଇଁ ନିର୍ବାଚିତ ହୋଇଥିବା ବେଳେ ସମିତି ସଭ୍ୟ ଭାବେ ଶୁଭଲକ୍ଷ୍ମୀ ସାହୁ ବିଜୟୀ ହୋଇଛନ୍ତି । ପଞ୍ଚାୟତରେ ୧ ନମ୍ବର ୱାର୍ଡ଼ସଭ୍ୟ ଭାବେ ସଞ୍ଜୁବାଳ ମହାନ୍ତି, ୨ ନମ୍ବର ୱାର୍ଡ଼ସଭ୍ୟ ଭାବେ ଗୀତାଞ୍ଜଳୀ ନାୟକ, ୩ ନମ୍ବର ୱାର୍ଡ଼ସଭ୍ୟ ଭାବେ କଳ୍ପନା ମୁଦୁଲି, ୪ ନମ୍ବର ୱାର୍ଡ଼ସଭ୍ୟ ଭାବେ ସବିତା ସେଠୀ, ୫ ନମ୍ବର ୱାର୍ଡ଼ସଭ୍ୟ ଭାବେ ଗୈାରୀ ସାହୁ, ୬ ନମ୍ବର ୱାର୍ଡ଼ସଭ୍ୟ ଭାବେ ସବିତା ଲେଙ୍କା, ୭ ନମ୍ବର ୱାର୍ଡ଼ସଭ୍ୟ ଭାବେ ଶ୍ରାବଣୀ ଲେଙ୍କା, ୮ ନମ୍ବର ୱାର୍ଡ଼ସଭ୍ୟ ଭାବେ ସରୋଜିନୀ ସାହୁ, ୯ ନମ୍ବର ୱାର୍ଡ଼ସଭ୍ୟ ଭାବେ ସୁକାନ୍ତି ପୃଷ୍ଟି, ୧୦ ନମ୍ବର ୱାର୍ଡ଼ସଭ୍ୟ ଭାବେ ରାଧାମଣୀ ନାହାକ, ୧୧ ନମ୍ବର ୱାର୍ଡ଼ସଭ୍ୟ ଭାବେ ରାଧାମଣୀ ସାହୁ, ୧୨ ନମ୍ବର ୱାର୍ଡ଼ସଭ୍ୟ ଭାବେ ସସ୍ମିତା ବିଶ୍ୱାଳ, ୧୩ ନମ୍ବର ୱାର୍ଡ଼ସଭ୍ୟ ଭାବେ ରିନାରାଣୀ ସେଠୀ, ୧୪ ନମ୍ବର ୱାର୍ଡ଼ସଭ୍ୟ ଭାବେ ଜୟନ୍ତୀ ପ୍ରଧାନ, ୧୫ ନମ୍ବର ୱାର୍ଡ଼ସଭ୍ୟ ଭାବେ ଗୀତାଞ୍ଜଳୀ ମହାପାତ୍ର, ୧୬ ନମ୍ବର ୱାର୍ଡ଼ସଭ୍ୟ ଭାବେ ରଶ୍ମିତା ଜଗତସିଂହ, ୧୭ ନମ୍ବର ୱାର୍ଡ଼ସଭ୍ୟ ଭାବେ ଅନସୂୟା ସାହୁ ନିର୍ବାଚିତ ହୋଇଛନ୍ତି । ଆଜି ନାଏବ ସରପଞ୍ଚ ନିର୍ବାଚନରେ ୧୨ ନମ୍ବର ୱାର୍ଡ଼ସଭ୍ୟ ସସ୍ମିତା ବିଶ୍ୱାଳ ନିର୍ବାଚିତ ହୋଇଥିବା ହୋଇଥିବା ଜଣାଯାଇଛି । ନିର୍ବାଚନ ସମୟରେ ସମସ୍ତ ୱାର୍ଡ଼ସଭ୍ୟ ଗୋଟିଏ ପ୍ରକାର ଶାଢ଼ୀରେ ନଜରକୁ ଆସିଥିବା ବେଳେ ସରପଞ୍ଚ ଏବଂ ସମିତିସଭ୍ୟ ମଧ୍ୟ ଏକ ପ୍ରକାର ଶାଢ଼ୀରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିବା ଦେଖାଯାଇଛି ।
ବିରୁଡ଼ା ନାଏବ ସରପଞ୍ଚ ନିର୍ବାଚିତ ହେଲେ ସସ୍ମିତା
