ନୁଆ ବର୍ଷର ପ୍ରଥମ ଦିନରେ ମନ୍ତ୍ରୀଙ୍କ କ୍ରିକେଟ ନିଶା, ଘାଇଲା ହେଲେ ଖେଳାଳି

ନୟାଗଡ଼, (ବାଘୁଆବାର୍ତ୍ତା): କ୍ରିକେଟ ନିଶାରେ ମନ୍ତ୍ରୀ ମସଗୁଲ । କ୍ରିକେଟ ନିଶା ଏପରି ଲାଗିଲାଯେ ଛାତ୍ର ଯୁବକଙ୍କ ଠାରୁ ଆରମ୍ଭ କରି ଖେଳାଳି ମାନେ ଘାଇଲା ହେଲେ । ଆଜି ଏଭଳି ଦୃଶ୍ୟ ଦେଖିବାକୁ ମିଳିଛି ବଡ଼ପଣ୍ଡୁସର ହାଇସ୍କୁଲ ଖେଳ ପଡିଆରେ । ବଡ଼ ପଣ୍ଡୁସର ମା ଦକ୍ଷିଣକାଳୀ କ୍ରିକେଟ କ୍ଲବ ଆନୁକୁଲ୍ୟରେ ଗତ ୨୪ ତାରିଖ ଠାରୁ ଖେଳ ଆରମ୍ଭ ହୋଇ ଆଜି ଥିଲା ଅନ୍ତିମ ଦିବସ । ଅନ୍ତିମ ଦିବସରେ ବଡ଼ ପଣ୍ଡୁସର ବନାମ ବାଉଁଶିଆପଡ଼ା ମଧ୍ୟରେ ଅନୁଷ୍ଠିତ ହୋଇଥିଲା । ହଠାତ ନୟାଗଡ଼ ବିଧାୟକ ତଥା ରାଜ୍ୟ ସରକାରଙ୍କ କୃଷି ଓ କୃଷକ ସଶକ୍ତି କରଣ, ମତ୍ସ୍ୟ ଓ ପ୍ରାଣୀ ସମ୍ପଦ ଓ ଉଚ୍ଚଶିକ୍ଷା ମନ୍ତ୍ରୀ ଡ.ଅରୁଣ କୁମାର ସାହୁ ପଡିଆ ଭିତରକୁ ପ୍ରବେଶ କରିଥିଲେ । କେହି କିଛି ନବୁଝିବା ପୁର୍ବରୁ ମନ୍ତ୍ରୀ ପିଚରେ ପହଞ୍ଚି ବ୍ୟାଟସ ମ୍ୟାନ ଠାରୁ ବ୍ୟାଟ ଆଣି ଖେଳ ଆରମ୍ଭ କରିଥିଲେ । ହଠାତ ଦର୍ଶକ ଦେଖି ଚକିତ ହୋଇଥିଲେ । ପ୍ରାୟ ଅଧଘଣ୍ଟା କାଳ ମନ୍ତ୍ରୀ ଡ.ସାହୁ ପିଚରେ ରହି ବ୍ୟାଟିଂ କରିଥିଲେ । ଯାହାକି ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ଆଜିର ମ୍ୟାଚରେ ବଡ଼ପଣ୍ଡୁସର ଦଳ ବିଜୟ ଲାଭ କରିଥିବାର ସୁଚନା ମିଳିଛି ।