ନୟାଗଡ଼ (ବାଘୁଆବାର୍ତ୍ତା) : ଚାରିଭାଇ ଏକାଠି ଅଛୁ । ଜିଲ୍ଲାପାଇଁ ସବୁ ଅସମ୍ଭବକୁ ସସମ୍ଭ କରିବୁ । କୁସୁମୀ ପ୍ରକଳ୍ପର ଶିଳାନ୍ୟାସ ଉତ୍ସବ ସଭାରେ ଖଣ୍ଡପଡ଼ା ବିଧାୟକ ସୈାମ୍ୟରଂଜନ ପଟ୍ଟନାୟକ ବୃତ୍ତଙ୍ଗ ଜଳସଚେନ ପ୍ରକଳ୍ପ ପ୍ରସଙ୍ଗ ଉଠାଇ ଏହା ଦିଲ୍ଲୀରେ ଅଟକିଥିବା କହିଥିଲେ । ଦୀର୍ଘ ୬୦ ବର୍ଷ ଧରି ଏହି ପ୍ରକଳ୍ପ ଯୋଜନା ମଧ୍ୟରେ ଅଟକିଥିବା ବେଳେ ୧୦୦ କୋଟି ଟଙ୍କାର ବ୍ୟୟ ଅଟକଳରୁ ଏହା ୭ ଶହ କୋଟି ବ୍ୟୟ ହେବ ବୋଲି ଏବେ ଆକଳନ କରାଯାଇଥିବା ନେଇ ସେ ସୂଚନା ଦେଇଥିଲେ । ଏହାକୁ ନେଇ ନୟାଗଡ଼ ବିଧାୟକ ତଥା ମନ୍ତ୍ରୀ ପୂର୍ବରୁ ଏ ସଂମ୍ପର୍କରେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରାଙ୍କ ସହ ସେ ଆଲୋଚନା କରିଛନ୍ତି । ଆବଶ୍ୟକ ପଡ଼ିଲେ ଚାରି ବିଧାୟକ ଦିଲ୍ଲୀ ଯାଇ ବୃତ୍ତଙ୍ଗ କିଭଳି କାର୍ଯ୍ୟକାରୀ ହେବ ସେ ନେଇ ପଦକ୍ଷେପ ନିଆଯିବ ବୋଲି କହିଥିଲେ । ବୃତ୍ତଙ୍ଗ ପ୍ରସଙ୍ଗ ଆଜିର ସଭାରେ ଉଠିବା ପରେ ସ୍ଥାନୀୟ ଲୋକଙ୍କ ମନରେ ପୁଣି ଏକ ବିଶ୍ୱାସ ଜନ୍ମ ନେଇଛି । ଆମ ସହିତ ଆରଡିସି ଏବଂ ଜିଲ୍ଲାପାଳ ସମଗ୍ର ପ୍ରଶାସନ ଅଧିକାରୀ ଅଛନ୍ତି । ନୟାଗଡ଼ରେ ଜନସାଧାରଣ ଏବଂ ଜନପ୍ରତିନିଧିଙ୍କ ତରଫରୁ ପ୍ରଶାସନକୁ ସବୁବେଳେ ସହଯୋଗ ମଧ୍ୟ ରହି ଆସିଛି ବୋଲି ମନ୍ତ୍ରୀ କହିଥିଲେ ।
