ନୟାଗଡ଼ (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ମତ୍ସ ବିଭାଗ ଦ୍ୱାରା ଜିଲ୍ଲାର ୨୪ ଜଣ ମତ୍ସଜିବୀଙ୍କୁ ମୋଫେଡ ଓ ବରଫ ବାସ୍କ ବିତରଣ କରାଯାଇଛି । ଏହି କାର୍ଯ୍ୟକ୍ରମରେ ରାଜ୍ୟ ସରକାରଙ୍କ କୃଷି ଓ କୃଷକ ସଶକ୍ତି କରଣ, ମତ୍ସ ଓ ପ୍ରାଣୀ ସଂପଦ ଓ ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା, ରାଜସ୍ୱ କମିଶନର ଅନୀଲ କୁମାର ସାମଲ, ଜିଲ୍ଲାପାଳ ଡ. ପୋମା ଟୁଡୁ, ଅତିରିକ୍ତ ଜିଲ୍ଲାପାଳ ବିଧାନ ଚନ୍ଦ୍ର ରାୟ, ଉପଜିଲ୍ଲାପାଳ ଲଗ୍ନଜିତ ରାଉତ, ପକଳ୍ପ ନିର୍ଦ୍ଦେଶକ ସୁବାସ ଚନ୍ଦ୍ର ରାୟ, ପୁରୀ ଉପ ମତ୍ସ ନିର୍ଦ୍ଦେଶକ ସୁବଳ ମହାନ୍ତି ଉପସ୍ଥିତ ରହିଥିଲେ । ନୀଳ ବିପ୍ଲବ ଯୋଜନାରେ ୪୦ ହଜାର ୬ ଶହଟଙ୍କାର ମୋଫେଡ ଗାଡ଼ି ଏବଂ ୪ ହଜାର ୬ଶହ ଟଙ୍କାର ବରଫ ବାସ୍କ ବିତରଣ କରାଯାଇଛି । ଏହି ଟଙ୍କାକୁ ମତ୍ସଜିବୀମାନେ ଭରଣ କରିଥିବା ବେଳେ ସେମାନଙ୍କୁ ନୀଳ ବିପ୍ଲବ ଯୋଜନା ଅନୁସାରେ ଅନୂସୂଚିତ ଜାତି ଓ ଜନଜାତିଙ୍କ ପାଇଁ ୬୦ ପ୍ରତିଶତ ସବସିଡ୍ ଥିବା ବେଳେ ସାଧାରଣ ବର୍ଗଙ୍କୁ ୪୦ ପ୍ରତିଶତ ସବସିଡ୍ ଦିଆଯିବ ବୋଲି ବିଭାଗୀୟ ସୂତ୍ରରୁ ସୂଚନା ମିଳିଛି । ଏହାଦ୍ୱାରା ମତ୍ସଜୀବୀଙ୍କର ପାରିବାରିକ ଉନ୍ନତୀ ଆସିବା ସହ ମାଛକୁ ଖାଉଟିଙ୍କ ପାଖରେ ସତେଜତା ସହିତ ପଂହଚା ଯାଇ ପାରିବ ବୋଲି ଜଣାପଡ଼ିଛି । ଏଥିରେ ଅତିରିକ୍ତ ମତ୍ସ ସହକାରୀ ଅଧିକାରୀ ସବିତା ଦାଶ, ପୁଲିନ୍ ମହାନ୍ତି, ରାଶକିଶୋର ପାତ୍ର ସମବାୟ ନୀରିକ୍ଷକ ସନ୍ତୋଷ ଦଳବେହେରା ପ୍ରମୂଖ ସାମିଲ ହୋଇଥିଲେ ।
