ଭୁବନେଶ୍ୱର, (ବାଘୁଆବାର୍ତ୍ତା): ସୁସ୍ମିତା ସେନଙ୍କ ୱେବ ସିରିଜ ‘ଆର୍ୟା’ର ସିଜନ-୨ ର ଟ୍ରେଲର ରିଲିଜ ହୋଇଛି। ପ୍ରଥମ ସିରିଜକୁ ଜବରଦସ୍ତ ସଫଳତା ମିଳିବ ପରେ ଦ୍ୱିତୀୟ ସିଜନ ହୋଇଥିଲା। ଦ୍ୱିତୀୟ ସିଜନ ଟ୍ରେଲରରେ ମଧ୍ୟ ସୁସ୍ମିତାଙ୍କ ଜବରଦସ୍ତ ଅନ୍ଦାଜ ଦେଖିବାକୁ ମିଳିଛି। ଟ୍ରେଲର ଦେଖିବା ପରେ ପ୍ରଶଂସକ ଦ୍ୱିତୀୟ ସିଜନକୁ ଅପେକ୍ଷା କରିଛନ୍ତି। ଦ୍ୱିତୀୟ ସିଜନରେ ସୁସ୍ମିତାଙ୍କ ଭିନ୍ନ ଏକ ଅନ୍ଦାଜ ଦେଖିବାକୁ ମିଳିଛି। ‘ଆର୍ୟା-୨’ର ଟ୍ରେଲର ରିଲିଜ ହେବାପରେ ପ୍ରଶଂସକ ବି କହିଛନ୍ତି ଯେ ବାଘୁଣୀ ଫେରି ଆସିଛି। ସିରିଜ ଡିସେମ୍ବର ୧୦ ରେ ଦେଖିବାକୁ ମିଳିବ। ‘ଆର୍ୟା-୨’ ର ଟ୍ରେଲର ରିଲିଜ ହେବା କ୍ଷଣି ସୋସିଆଲ ମିଡ଼ିଆରେ ଛାଇଗଲା। ଟ୍ରେଲର ଦେଖି ପ୍ରଶଂସକ ରୋମାଂଚିତ ହୋଇଛନ୍ତି। ଦ୍ୱିତୀୟ ସିଜନରେ ସୁସ୍ମିତା ସେନ ପ୍ରଥମ ସିଜନ ଠାରୁ ଅଧିକ ଦମଦାର ଅନ୍ଦାଜରେ ନଜର ଆସିଛନ୍ତି। ସୁସ୍ମିତା ନିଜ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ଟ୍ରେଲର ସେୟାର କରିଛନ୍ତି ଓ ଦର୍ଶକଙ୍କୁ ଧନ୍ୟବାଦ ଜଣାଇଛନ୍ତି। ସେ କ୍ୟାପ୍ସନ ଲେଖିଛନ୍ତି, “ଆପଣମାନଙ୍କ ଧାର୍ୟ୍ୟ ପାଇଁ ଧନ୍ୟବାଦ। ଆର୍ୟା ପୁଣି ଆସିଥିବାରୁ ମୁଁ ବହୁତ ଖୁସି। ଏହି ସିଜନରେ ତାର ଦୁର୍ବଳତା ହିଁ ତାର ସବୁଠାରୁ ବଡ ଶକ୍ତି ହେବ। ବାଘୁଣୀ ଆସୁଛି। ସବୁ ଏପିସୋଡ ଡିସେମ୍ବର ୧୦ ରେ ଷ୍ଟ୍ରିମ କରାଯିବ।” ପ୍ରଶଂସକଙ୍କୁ ମଧ୍ୟ ‘ଆର୍ୟା-୨’ ଟ୍ରେଲର ବହୁତ ପସନ୍ଦ ଆସିଛି। ଆର୍ୟା ଯେଉଁ ମୋଡ଼ରେ ଶେଷ ହୋଇଥିଲା, ତାପରେ ଦର୍ଶକ ସିଜନକୁ ଅପେକ୍ଷା କରିଥିଲେ। ସୂଚନାଯୋଗ୍ୟ ଯେ, ୱେବ ସିରିଜ ଆର୍ୟାକୁ ଚଳିତ ବର୍ଷ ଇଣ୍ଟରନ୍ୟାଶନାଲ ଏମ୍ମି ଆୱାର୍ଡରେ ଶ୍ରେଷ୍ଠ ଡ୍ରାମା କ୍ୟାଟେଗରୀରେ ନୋମିନେଟ ହୋଇଥିଲା। ଏହି ସିରିଜରେ ସୁସ୍ମିତା ଓଟିଟି ପ୍ଲାଟଫର୍ମରେ ଡେବ୍ୟୁ କରିଥିଲେ। ନିର୍ଦ୍ଦେଶକ ରାମ ମାଧବାନି ମଧ୍ୟ ଏହି ସିରିଜ ମଧ୍ୟରେ ଡେବ୍ୟୁ କରିଥିଲେ।
