ଭଦ୍ରକ ଜିଲ୍ଲା ଅନ୍ତ କ୍ଳବ ଦିବା ରାତ୍ର ଭଲି ବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ

ଭଦ୍ରକ, (ବାଘୁଆବାର୍ତ୍ତା): ଭଦ୍ରକ ଜିଲ୍ଲା ଆଥଲେଟିକ ଆସୋସିଏସନ ତରଫରୁ ଅନ୍ତ କ୍ଳବ ଦିବା ରାତ୍ର ଭଲି ବଲ ଟୁର୍ଣ୍ଣାମେଣ୍ଟ ସ୍ଥାନୀୟ ଓଲଙ୍ଗ ମିନି ଷ୍ଟାଡିୟମରେ ଅନୁଷ୍ଠିତ ହୋଇଯାଇଛି । ଏହି ଅନ୍ତ କ୍ଳବ ଟୁର୍ଣ୍ଣାମେଣ୍ଟ ଟିକୁ ଓଲଙ୍ଗ ଗ୍ରାମ ପଞ୍ଚାୟତ ଆୟୋଜନ କରିଛନ୍ତି। ଏହି ଦିବା ରାତ୍ର ଟୁର୍ଣ୍ଣା ମେଣ୍ଟ ରେ ଭଦ୍ରକ ଜିଲ୍ଲାର ୧୨ଟି କ୍ଳବ ଅଂଶ ଗ୍ରହଣ କରିଥିଲେ। ମୁଖ୍ୟ ଅତିଥି ଭାବେ ଭଦ୍ରକ ବିଧାୟକ ସଂଜୀବ ମଲ୍ଲିକ, ଜଗନ୍ନାଥ ସ୍ୱାଇଁ, ଭଦ୍ରକ ଜିଲ୍ଲା ଆଥଲେଟିକ ଆସୋସିଏସନ ର ସମ୍ପାଦକ ଧୀରେନ ପଳେଇ, ଓଲଙ୍ଗ ସରପଞ୍ଚ ଦେବୀଦତ୍ତା ମହାନ୍ତି, ପୂର୍ବତନ ସରପଞ୍ଚ ତଥା କ୍ରୀଡ଼ାବିତ ଯୁବ ସମାଜ ସେବୀ ଅକ୍ଷୟ ପ୍ରସାଦ ମହାନ୍ତି ଙ୍କ ସମେତ ଭଦ୍ରକ ଜିଲ୍ଲା ଆଥଲେଟିକ ଆସୋସିଏସନ ର ସମସ୍ତ ସଦସ୍ୟ ଉପସ୍ଥିତ ରହି ଖେଳାଳୀଙ୍କୁ ଉତ୍ସାହିତ କରିଥିଲେ । ଆସୋସିଏସନ ପକ୍ଷରୁ ପୂର୍ବତନ ଖେଳାଳୀ ଙ୍କ ସହ ଅୟୋଜକ ଓଲଙ୍ଗ ପଂଚାୟତ ର ସରପଞ୍ଚ ଦେବୀଦତ୍ତା ମହାନ୍ତି ଓ କ୍ରୀଡ଼ାବିତ ତଥା ଯୁବ ସମାଜ ସେବୀ ଅକ୍ଷୟ ପ୍ରାସାଦ ମହାନ୍ତି ଙ୍କୁ ସଂମ୍ମାନୀତ କରାଯାଇଥିଲା । ଶେଷରେ ଫ।ଇନାଲ ମ୍ୟାଚ ରେ ମନ୍ଦରୀ ଓ ସୂର୍ୟ୍ୟସିଖା ମଧ୍ୟରେ କଡା ଟକ୍କର ରେ ମନ୍ଦରୀ ଟିମ ବିଜୟୀ ହୋଇଥିଲା, ମୁଖ୍ୟ ଅତିଥି ସଂଜୀବ ମଲ୍ଲିକ ଓ ଜଗନ୍ନାଥ ସ୍ୱାଇଁ ବିଜୟୀ ଟିମ କୁ ଟ୍ରଫି ପ୍ରଦାନ କରିଥିଲେ । ମ୍ୟାଚ ଟି କୁ ଦେଖି ଦର୍ଶକ ମାନେ ଭରପୁର ଆନନ୍ଦ ଉଠାଇଥିଲେ । ତେବେ ଅଗାମୀ ଦିନରେ ରାଜ୍ୟ ସ୍ତରୀୟ ଭଲି ବଲ ପ୍ରତିଯୋଗିତା ହେବ ବୋଲି କହିଛନ୍ତି ଭଦ୍ରକ ଜିଲ୍ଲା ଅଥଲେଟିକ ଆସୋସିଏସନ ର ସମ୍ପାଦକ ଧୀରେନ ପଳେଇ।