ଗଣିଆ ୦୪.୧୧(ବାଘୁଆବାର୍ତ୍ତାବ୍ୟୁରୋ) ନୟାଗଡ ଜିଲ୍ଲା ଗଣିଆ ଥାନା ମଣିଭଦ୍ରା ପର୍ବତ ପାଦଦେଶରେ ଥିବା ମା କଳାପାଟ ପୀଠ ପରିସରରେ ସୋମବାର ସକାଳୁ ଏକ ମୃତ ବ୍ୟକ୍ତିଙ୍କ ଶବ ପଡ଼ିଥିବାର ଦେଖିବାକୁ ମିଳିଥିଲା ।ମାକଳାପାଟଙ୍କ ପୀଠ ସମ୍ମୁଖ ଦେଇ ଯାଇଥିବା ବଡମୂଳ – ଗଣିଆ ପୂର୍ତ ରାସ୍ତାରେ ସକାଳୁ ଲୋକଙ୍କ ଯାତାୟତ ବେଳେ ସ୍ଥାନୀୟ ଲୋକେ ମନ୍ଦିର ସମ୍ମୁଖରେ ଏକ ଲୁଙ୍ଗି ଘୋଡେଇ ହୋଇ ରକ୍ତ ଜୁଡୁବୁଡୁ ଅବସ୍ଥାରେ ପଡିଥିବା ଦେଖିବାକୁ ପାଇଥିଲେ । ଖବରପାଇ ଗଣିଆ ପୋଲିସ ଘଟଣାସ୍ଥଳରେ ପହଚିଂ ମୁହଁରୁ ଲୁଙ୍ଗି ଖୋଲିବା ପରେ ମୃତ ବୃଦ୍ଧ ଗୟାଧର ବୋଲି ଜଣାପଡିଥିଲା । ଠାକୁରାଣୀଙ୍କ ପୀଠର ମଣ୍ଡପ ପରିସରରେ ଥିବା ମାଟିଘୋଡା ଦ୍ୱାରା ଜଣେ ବୃଦ୍ଧଙ୍କୁ କେହି ଦୁର୍ବୁର୍ତ ବାଡେଇ ବାଡେଇ ହତ୍ୟା କରିଥିବା ଜଣାପଡିଛି । ମୃତ ବୃଦ୍ଧ ଜଣଙ୍କ ହେଲେ ଛାମୁଣ୍ଡିଆ ଗ୍ରାମର ଗୟାଧର ବାରିକ (୬୭) । ଉକ୍ତ ଘଟଣାରେ ପୋଲିସ ପାରିବାରିକ କଳହକୁ ସନ୍ଦେହ କରି ମୃତ ଗୟାଧରଙ୍କ ସାନପୁଅ ଗୋପୀନାଥ ବାରିକ (ଲଣ୍ଡା)କୁ ଅଟକ ରଖି ପଚରାଉଚରା କରିବା ସହ ଅନ୍ୟ ଦିଗରୁ ମଧ୍ୟ ତଦନ୍ତ ଜାରି ରଖିଥିବା ଜଣାପଡିଛି । ତେବେ ପରେ ଘଟଣାସ୍ଥଳରେ ନୟାଗଡରୁ ସାଇଟିଂଫିକ ଟିମ୍ ପହଚିଂ ପାରିପାଶ୍ୱିକ ସ୍ଥିତି ପରଖିବା ସହ ଘଟଣାସ୍ଥଳରୁ ରକ୍ତ ନମୂନା ଓ ଅନ୍ୟାନ୍ୟ ସାମଗ୍ରୀ ସଂଗ୍ରହ କରିଥିଲେ । ଘଟଣାସ୍ଥଳରେ ଗଣିଆ ଥାନା ଅଧିକାରୀ ଦୀପକ କୁମାର ଖଣ୍ଡାୟତରାୟ, ଖଣ୍ଡପଡା ଏସଡିପିଓ ଶ୍ରୀନିବାସ ମହାନ୍ତି, ଗଣିଆ ଥାନା ସବ୍ ଇନିସ୍ପେକ୍ଟର ଶ୍ରଦ୍ଧା ନାୟକ ଶବକୁ ଜବତ କରିବା ସହ ମୃତ ଗୟାଧରଙ୍କ ପରିବାର ଲୋକଙ୍କଠାରୁ ବୟାନ ସଂଗ୍ରହ କରିଥିଲେ । ମୃତ ଗୟାଧରଙ୍କ ପନô୍ୀ ଶାନ୍ତିଲତା ବାରିକ ତାଙ୍କର ସ୍ୱାମୀଙ୍କୁ କେହି ହତ୍ୟା କରିଥିବା ସନ୍ଦେହ କରି ଥାନାରେ ଲିଖିତ ଅଭିଯୋଗ କରିଛନ୍ତି । ଏହି ଅଭିଯୋଗ ଅନୁୟାୟୀ ପୋଲିସ କେସ୍ ନଂ ୪୩ /୧୯ରେ କେସ୍ ଋଜୁ କରିବା ସହ ଶବ ବ୍ୟବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି ।ପ୍ରକାଶ ଯେ, ମୃତ ଗୟାଧର ଛାମୁଣ୍ଡିଆ ବଜାରରେ ଏକ ଛୋଟିଆ ସେଲୁନ ଦୋକାନ କରି ନିଜର ଗୁଜୁରାଣ ମେଟାଂଉଥିଲେ । ବିଭିନ୍ନ ସମୟରେ ପାରିବାରିକ କଳହକୁ ନେଇ ଗୟାଧର ଗତ କିଛି ଦିନ ଧରି ସେହି ସେଲୁନରେ ରହିଆସୁଥିଲା । ତେବେ ରବିବାର ରାତ୍ରୀ ୯ଟା ପରେ ପୁଣିଥରେ କଳହକୁ ନେଇ ଗୟାଧର ଘରଛାଡି ପଳାଇଯିବା ପାଇଁ ସେଲୁନ ଛାଡି ବାହରିଆସିଥିଲେ । ତେବେ ଗୟାଧରକୁ କିଏ କେଉଁ ପରିସ୍ଥିତିରେ ହତ୍ୟା କଲା ପୋଲିସ ତଦନ୍ତ ପରେପ୍ରକୃତ ରହସ୍ୟ ଜଣାପଡିବ । ଏହି ଅବସରରେ ମା କଳାପାଟଙ୍କ ପୀଠରେ ଏଭଳି ଘଟଣା ପ୍ରଥମ ବୋଲି ସ୍ଥାନୀୟ ଲୋକେ କହିଛନ୍ତି । ଅଭାବନୀୟ ଘଟଣାକୁ ନେଇ ମା ଙ୍କ ପୂଜାର୍ଚ୍ଚନା ଓ ନିତୀକାନ୍ତି ବନ୍ଦ ହୋଇଥିଲା ।
