ଫୁଲବାଣୀ, (ବାଘୁଆବାର୍ତ୍ତା): ସସପେଣ୍ଡ ହେଲେ କନ୍ଧମାଳ ଜିଲ୍ଲା ଖଜୁରୀପଡ଼ା ଥାନା ଆଇଆଇସି। କ୍ଷମତାର ଦୁରୂପଯୋଗ କାରଣରୁ ଡିଜିପି ଅଭୟ ଖଜୁରୀପଡ଼ା ଥାନା ଆଇଆଇସି ରକାମାନ୍ତ ପାତ୍ରଙ୍କୁ ସସପେଣ୍ଡ କରିଛନ୍ତି। ଏ ନେଇ କନ୍ଧମାଳ ଏସପି ଟ୍ୱିଟ୍ କରି ସୂଚନା ଦେଇଛନ୍ତି। ଗତ ୩ ତାରିଖ ଦିନ ଖଜୁରୀପଡ଼ା ମାର୍କେଟରେ ଘଟାଇଥିବା ଉନ୍ମୁକ୍ତକାଣ୍ଡ କାରଣରୁ ତାଙ୍କୁ ଊଏଚ ନିଲମ୍ବିତ କରିଥିବା ଜଣାପଡ଼ିଛି। ଏଠାରେ ସୂଚନା ଯୋଗ୍ୟ ଯେ ନିଲମ୍ବିତ ଆଇଆଇସି ରମାକାନ୍ତ ପାତ୍ର ରବିବାର ସନ୍ଧ୍ୟାରେ ମଦ୍ୟପାନ କରି ଖଜୁରୀପଡ଼ା ମାର୍କେଟରେ କିଛି ବ୍ୟବସାୟୀ ଏବଂ ସାଧାରଣ ଲୋକଙ୍କୁ ମାଡ଼ ମାରିଥିଲେ। ତାପରେ ବ୍ୟବସାୟୀ ମାନେ ଏହାକୁ ବିରୋଧ କରି ମାର୍କେଟରେ ଦୋକାନ ବଜାର ବନ୍ଦ କରିବା ସହିତ ରାସ୍ତାରେ ଟାୟାର ଜାଳି ରାସ୍ତା ଅବରୋଧ କରିଥିଲେ। ଏହାସହ ଘଟଣାରେ ଆଇଆଇସିଙ୍କୁ ଗିରଫ ସହିତ ନିଲମ୍ବନ ପାଇଁ ବ୍ୟବସାୟୀ ମାନେ ଦାବି କରିଥିଲେ। ତାପରେ ଘଟଣା ସ୍ଥଳକୁ ଫୁଲବାଣୀ ଇଝଚ ଏବଂ ଫୁଲବାଣୀ ଝଊଚଙ ପ୍ରମୁଖ ଯାଇ ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ସହିତ ଓଓଉଙ୍କୁ ଜିଲ୍ଲା ପୁଲିସ ମୁଖ୍ୟାଳୟକୁ ବଦଳି କରିଥିଲେ। ତାପରେ ଉତ୍ୟକ୍ତ ଲୋକ ମାନେ ଆନ୍ଦୋଳନରୁ ଓହରିଥିଲେ। ଅନ୍ୟ ପକ୍ଷରେ ଖଜୁରୀପଡ଼ା ଥାନା ଓଓଉ ରମାକାନ୍ତ ପାତ୍ର କହିଥିଲେ ଯେ ସନ୍ଧ୍ୟା ସମୟରେ ଖଜୁରୀପଡ଼ା ମାର୍କେଟରେ ଲୋକ ମାନେ ଅଯଥା ଗହଳି କରି ଭିଡ଼ କରୁଥିଲେ। ତେଣୁ ସେହି ଗହଳି ଏବଂ ଭିଡ଼ ଭାଙ୍ଗିବା ପାଇଁ ଆମେ ଚେଷ୍ଟା କରିଥିଲୁ ବୋଲି କହିଥିଲେ।
