ପ୍ରତିମୂର୍ତ୍ତୀ ବସାଇବାକୁ କିଏ ଦେଲା ଅନୁମତି
ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଶିକ୍ଷା କାର୍ଯ୍ୟାଳୟ ଏବେ ମାତ୍ର ୫ ଜଣ ଶିକ୍ଷକଙ୍କ କବଜାକୁ ଚାଲି ଯାଇଥିବା ଦୁଇ ଦିନ ଧରି ଜିଲ୍ଲାର ପ୍ରମୂଖ ଶିକ୍ଷକ ସଂଗଠନରେ ଆଲୋଚନା ଜୋର ଧରିଛି । ଏହି ଶିକ୍ଷକମାନଙ୍କୁ ପ୍ରତିମୂର୍ତ୍ତୀ ବସାଇବାକୁ ଅନୁମତି କିଏ ଦେଇଛି ତାକୁ ନେଇ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇଛି । ଜିଲ୍ଲାର ଏକ ପ୍ରମୂଖ କାର୍ଯ୍ୟାଳୟରେ ଏଭଳି ମନଇଚ୍ଛା କାରବାର ଜିଲ୍ଲା ଶିକ୍ଷା ଅଧିକାରୀଙ୍କ ନିର୍ଦ୍ଦେଶରେ ହୋଇଛି, ନାଁ ଏହା ପଛରେ କାହାର ଚାପ ରହିଛି ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ବିନା ସରକାରୀ ଅନୁମୋଦନ ଏବଂ ବିନା ପ୍ରୋତ୍ସାହନରେ କିଭଳି ଏକ ସରକାରୀ କାର୍ଯ୍ୟାଳୟରେ ପ୍ରତିମୂର୍ତ୍ତୀ ସ୍ଥାପନ କରାଯାଉଛି ତାହା ବିସ୍ମୟ ଜନକ ପରିସ୍ଥିତି ସୃଷ୍ଟି କରିଛି । କୈାଣସି ବିଦ୍ୟାଳୟରେ ମୋ ସ୍କୁଲ ଅଭିଯାନ ଦ୍ୱାରା ଏହି କାର୍ଯ୍ୟ କରାଯାଇ ପାରିଥାନ୍ତା । ମାତ୍ର କିଛି ଶିକ୍ଷକ ନିଜର ପାର୍ଦୁଭାବକୁ ବିସ୍ତାର କରିବା ପାଇଁ ଏଭଳି ଏକ ସାଂଘାତିକ ଷଡ଼ଯନ୍ତ୍ର ରଚନା କରିଥିବା ଆଲୋଚନା ହେଉଛି । ଏହି ୫ ଶିକ୍ଷକଙ୍କ ମଧ୍ୟରୁ ଅନେକ ଶିକ୍ଷାଦାନଠାରୁ ନିଜକୁ ଦୂରେଇ ରଖି ରାଜନୀତିରେ ମାତିଥିବା ଆଲୋଚନା ହେଉଛି । ବାସ୍ତବରେ ଏମାନେ ପ୍ରତିମୂର୍ତ୍ତୀ ଆଳରେ ନିଜର ଭାବମୂର୍ତ୍ତୀ ସଜାଡ଼ିବାରେ ଲାଗିଥିବା ଚର୍ଚ୍ଚା ହେଉଛି ।
