ଡାଇରେକ୍ଟ ସେଲିଂ କଂପାନୀ ଉପରେ ସରକାରଙ୍କ ନଜର:ବଦଳିପାରେ ବିଜିନେସ୍ ରୋଡ୍ ମଡେଲ

ନୂଆଦିଲ୍ଲୀ, (ବାଘୁଆବାର୍ତ୍ତା): କିଛିଦିନ ତଳେ ଇ-କମର୍ସ କଂପାନୀ ଉପରେ କେନ୍ଦ୍ର ସରକାର କଡା ଆଭିମୁଖ୍ୟ ନେଇଥିବା ବେଳେ ବର୍ତ୍ତମାନ କେନ୍ଦ୍ର ସରକାରଙ୍କ ନଜର ଜାଇ ଡାଇରେକ୍ଟ ସେଲିଂ କଂପାନୀ ଉପରେ ପଡିଛି । ଡାଇରେକ୍ଟ ସେଲିଂ କଂପାନୀରେ ଉପରେ କଡା ନିୟମ ଲାଗୁ କରିବାକୁ ଯାଉଛନ୍ତି । ତତ୍ ସହିତ ଡାଇରେକ୍ଟ ସେଲିଂର ରୋଡ ମଡେଲ ମଧ୍ୟ ବଦଳାଇବା ପାରନ୍ତି ବୋଲି ସୂଚନା ମିଳିଛି । ଗ୍ରାହାକମାନଙ୍କୁ ଡାଇରେକ୍ଟ ବିକ୍ରି କରୁଥିବା ଆମୱେ ଓ ଟପରୱେୟର ଭଳି ବଡ଼ ଡାଇରେକ୍ଟ ସେଲିଂ କଂପାନୀମାନେ ଏଣୀକି ଗ୍ରାହାକଙ୍କ ବହୁସ୍ତରୀୟ ନେଟୱର୍କ ଅର୍ଥାତ୍ ଚେନଂ ସିଷ୍ଟମରେ କାମ କରିବାକୁ ଅନୁମତି ମିଳିବନାହିଁ । ସରକାର ଏମିତି କମ୍ପାନୀମାନଙ୍କ ନିୟମ ଓ ଗ୍ରାହକଙ୍କ ହିତ ରକ୍ଷା ପାଇଁ ନିୟମରେ ସାମାନ୍ୟ ପରିବର୍ତ୍ତନ ଜାରି କରିଛନ୍ତି । ପ୍ରଥମ ଥର କେନ୍ଦ୍ରୀୟ ଉପଭୋକ୍ତା ମାମଲାରେ ମନ୍ତ୍ରାଳୟ ଉପଭୋକ୍ତା ସଂରକ୍ଷଣ ନିୟମ ୨୦୨୧ ପ୍ରସ୍ତୁତ ହୋଇଛି । ଏହା ପୂର୍ବରୁ ମନ୍ତ୍ରାଳୟ ୨୦୧୬ରେ ଏହି କମ୍ପାନୀମାନଙ୍କ ପାଇଁ ଦିଶାନିର୍ଦ୍ଦେଶ ଜାରି କରିଥିଲେ । ଏହି ଦିଶାନିର୍ଦ୍ଦେଶ ପରାମର୍ଶ ରୂପେ ଥିଲା । ତେବେ ସେହି ନିୟମ ଅନୁସାରେ ଗ୍ରାହକଙ୍କୁ ସିଧା ସାମଗ୍ରୀ ବିକ୍ରି କରୁଥିବା କମ୍ପାନୀଙ୍କୁ ଗ୍ରାହକଙ୍କୁ ବହୁସ୍ତରୀୟ ନେଟୱର୍କ ଯୋଜନା ତଥା ଜଣଙ୍କଠୁ ପଇସା ନେଇ ଅନ୍ୟ ଜଣଙ୍କୁ ଦେବା ଯୋଜନାକୁ ପ୍ରୋତ୍ସାହନ ଦେବା ଉପରେ କଟକଣା ଲାଗିପାରିବ । ଅର୍ଥାତ୍ ନିୟମକୁ ଭବିଷ୍ୟତରେ ବଦଳାଇହେବା ସମ୍ଭାବନା ନେଇ ପ୍ରସ୍ତୁତ ହୋଇଥିଲା । ତେବେ ଆଗକୁ କଣ ହେବ ଏବଂ କେଉଁ କେଉଁ ନିୟମ ପରିବର୍ତ୍ତନ ହେବ ତାହା ୨ ୧ ଜୁଲାଇରେ ଜଣାପଡିବ । ଏନେଇ ଏବେ ଆଲୋଚନା ଜାରି ରହିଛି ।