ନୂଆଦିଲ୍ଲୀ, (ବାଘୁଆବାର୍ତ୍ତା): ଦେଶର ପ୍ରଥମ ମହିଳା ସନ୍ତରଣକାରୀ ଭାବେ ଟୋକିଓ ଅଲମ୍ପିକ୍ରେ ୨୦୨୦ ଭାଗ ନେବା ମାନା। ୟୁନିଭର୍ସାଲ୍ କୋଟା ମାଧ୍ୟମରେ ସେ ଏହି ଯୋଗ୍ୟତା ହାସଲ କରିଛନ୍ତି । ଏନେଇ କେନ୍ଦ୍ର କ୍ରୀଡ଼ା ମନ୍ତ୍ରୀ କିରଣ ରିଜିଜୁ ସୂଚନା ଦେଇଛନ୍ତି । ସେ ଟ୍ୱିଟ୍ କରିଛନ୍ତି ଯେ, ଜୁଲାଇ ୨୩ ରୁ ଅଗଷ୍ଟ ୮ ପର୍ୟ୍ୟନ୍ତ ଅଲିମ୍ପିକର ସନ୍ତରଣ ବିଭାଗରେ ଖେଳ ପ୍ରତିଯୋଗିତା ହେବ। ବ୍ୟାକ୍ଷ୍ଟ୍ରୋକ୍ ସନ୍ତରଣକାରୀ ମାନା ପଟେଲ ଦେଶର ପ୍ରଥମ ମହିଳା ଓ ତୃତୀୟ ଭାରତୀୟ ସନ୍ତରଣକାରୀ ଭାବେ ଟୋକିଓ ଅଲିମ୍ପିକ ୨୦୨୦ରେ ଭାଗ ନେବାକୁ ଯୋଗ୍ୟତା ହାସଲ କରିଛନ୍ତି । ଗୋଟିଏ ଦେଶରେ ଜଣେ ପୁରୁଷ ଓ ଜଣେ ମହିଳାଙ୍କୁ ଅଲିମ୍ପିକ୍ରେ ଭାଗ ନେବାକୁ ଅନୁମତି ମିଳିଥାଏ । ଏଥିରେ ସମାନ ଜେଣ୍ଡର୍ରେ ସମାନ ଖେଳ ପାଇଁ ଗୋଟିଏ ଦେଶରୁ ଅନ୍ୟ କାହାକୁ ଏହି ସୁଯୋଗ ଦିଆଯାଏ ନାହିଁ । ଅଲିମ୍ପିକ ସିଲେକ୍ସନ ଟାଇମ୍ ( ବି ଟାଇମ୍) ଅନୁସାରେ ଚୟନିତ ଖେଳାଳିକୁ ଭାଗ ନେବାକୁ ନିମନ୍ତ୍ରଣ କରାଯାଇଥାଏ । ୨୧ ବର୍ଷୀୟା ମାନା ପଟେଲ୍ ଏଥର ଜାପାନ ଟୋକିଓରେ ହେବାକୁ ଥିବା ଅଲିମ୍ପିକ୍ରେ ଭାରତ ସଞ୍ଜନା ପ୍ରକାଶ ଓ ଶ୍ରୀହରି ନଟରାଜନଙ୍କ ସହିତ ମିଶି ଖେଳ ପ୍ରଦର୍ଶନ କରିବେ ।
