ବାହା ହବ କହି ଖୋଳ କରିଦେଲା

କଟକ, (ବାଘୁଆବାର୍ତ୍ତା): ବାହା ହବ କହି ସଂପର୍କ ଗଢିଲା । ତା’ପରେ ଖୋଳ କରିବାରେ ଲାଗିଲା । ଏଭଳି ସାଂଘାତିକ ଅଭିଯୋଗ ଆସିଛି ସାଲେପୁର ଅଞ୍ଚଳରୁ । ସୂଚନାନୁସାରେ, କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ୍ ଗୋପିନାଥପୁର ଗାଁର ଜଣେ ବ୍ୟକ୍ତି ଓଡ଼ିଆ ମାଟ୍ରିମୋନିରୁ ଜଣେ ଯୁବତୀଙ୍କ ସଂସ୍ପର୍ଶରେ ଆସିବା ଏବଂ ପରେ ଭାବ ବଢ଼ାଇବା ଘାତକ ସାବ୍ୟସ୍ତ ହୋଇଛି । ମ୍ୟାଟ୍ରିମୋନିରୁ ୱାଟ୍ସଅଫ୍ ଚାଟିଂ ଓ ଫୋନରେ କଥା ବାର୍ତ୍ତା ପରେ ସର୍ବପ୍ରସନ୍ନ ପଣ୍ଡା ନମାକ ଜଣେ ବ୍ୟକ୍ତିଙ୍କୁ ବିବାହ କରିବା ବୋଲି ରାଜି ହୋଇଥିଲେ । ଇଂଲଣ୍ଡରେ ରହୁଥିବା ଛତିଶଗଡ଼ର ପ୍ରିତି ରାଜପୁତ ନାମକ ଜଣେ ଯୁବତୀ ବିବାହ ପୂର୍ବରୁ ସଂପୃକ୍ତ ବ୍ୟକ୍ତିଙ୍କୁ କିଛି ଦାମୀ ଉପହାର ବିମାନ ଯୋଗେ ପଠାଉଥିବା କହିଥିଲେ ଯୁବତୀ । ବିମାନ ବନ୍ଦରରୁ ଏହା ଘରକୁ ଆସିବାକୁ ହେଲେ କିଛି ଜରୁରୀ କାଗଜ ପତ୍ର କାମ କରିବାକୁ ପଡିବ । ଏଥିପାଇଁ କିଛି ଟଙ୍କା ଖର୍ଚ୍ଚ କରିବାକୁ ହେବ ବୋଲି ଫୋନ୍ କଲ୍ ପାଇଥିଲେ । ଯୁବତୀ ଜଣକ ମିଠା ମିଠା କଥାରେ ଫସାଇ ପାଖାପାଖି ୪ଲକ୍ଷ ଟଙ୍କା ଅନଲାଇନ୍ ଟ୍ରାଞ୍ଜାକସନ କରିଥିଲେ । ଠକେଇ ଶିକାର ହୋଇଥିବା ଜାଣିବା ପରେ ସର୍ବପ୍ରସନ୍ନ ପଣ୍ଡା ନେମାଳ ଥାନା ଓ ସାଇବର ସେଲରେ ଯାଇ ଅଭିଯୋଗ କରିଛନ୍ତି । ନେମାଳ ପୁଲିସ୍ ସର୍ବପ୍ରସନ୍ନଙ୍କ ଅଭିଯୋଗକୁ ଭିତ୍ତି କରି ମାମଲା ରୁଜୁକରି ତଦନ୍ତ ଆରମ୍ଭ କରିଥିବା ନେଇ ସାଲେପୁର ଏସଡିପିଓ ସୂଚନା ଦେଇଛନ୍ତି ।