ପୁରୀ, (ବାଘୁଆବାର୍ତ୍ତା): ସଞ୍ଜ ନଇଁଲେ ଝଲସିବ ଶ୍ରୀମନ୍ଦିର । ପ୍ରତ୍ନତତ୍ତ୍ୱ ବିଭାଗ ନେଇଛି ଗୁରୁତ୍ୱପୂର୍ଣ୍ଣ ପଦକ୍ଷେପ । ଶ୍ରୀମନ୍ଦିରକୁ ଆହୁରି ଆକର୍ଷଣୀୟ କରିବା ପାଇଁ ଖର୍ଚ୍ଚ କରିବ ଦେଢ଼ କୋଟି ଟଙ୍କା । ଆଉ ଲାଗିବ ମୂଲ୍ୟବାନ ଥ୍ରୀ-ଡି ଲାଇଟ୍ । ଫଳରେ ସଞ୍ଜ ନଇଁଲେ ଚମକିବ ଶ୍ରୀମନ୍ଦିରର ବାହ୍ୟ ପରିବେଶ । ଅଁଳାବେଢ଼ାରୁ ମେଘନାଦ ପାଚେରି, ଭିତରଗୁମୁଟରୁ ବାଇଶି ପାହାଚ ପର୍ୟ୍ୟନ୍ତ ଆଧୁନିକ ଆଲୋକମାଳାରେ ସଜାଇ ହେବ ଶ୍ରୀମନ୍ଦିର । ଫଳରେ ଶ୍ରଦ୍ଧାଳୁ ରାତିରେ ମଧ୍ୟ ଦୂରରୁ ଦେଖିପାରିବେ ଶ୍ରୀମନ୍ଦିରର ଅପରୂପ ସୌନ୍ଦର୍ୟ୍ୟ । ଏନେଇ ବିଭାଗୀୟ ଟିମ୍ କରିସାରିଲେଣି ଅନୁଧ୍ୟାନ । ଶ୍ରୀମନ୍ଦିରର କେଉଁ କେଉଁ ସ୍ଥାନରେ ଲାଇଟ୍ ଲାଗିଲେ ତାହା ଉପଯୁକ୍ତ ଭାବେ ସୌନ୍ଦର୍ୟ୍ୟକୁ ବଢ଼ାଇବ, ସେନେଇ ପ୍ରାୟତଃ ସରିଛି ନିଷ୍ପତ୍ତି । ଆଉ ଏହିକାମକୁ ହାତକୁ ନେଇ ୱାପକୋସ୍ କମ୍ପାନି ।
