ନିୟମିତ ଭାବେ ନିଅନ୍ତୁ କରୋନା ଟିକା: ଗର୍ଭବତୀ ମହିଳାଙ୍କୁ ଉପଦେଶ

ଅକଲାଣ୍ଡ, (ବାଘୁଆବାର୍ତ୍ତା): ଟିକାକରଣ ସମ୍ବନ୍ଧୀୟ ନୂଆ ପରାମର୍ଶକୁ ଦୃଷ୍ଟିରେ ରଖି ନ୍ୟୁଜିଲାଣ୍ଡ ଓ ଅଷ୍ଟ୍ରେଲିଆର ଗର୍ଭବତୀ ମହିଳାଙ୍କୁ ନିୟମିତ ଟିକା ଦିଆଯିବ। ଫାଇଜର ଟିକା ଗର୍ଭବତୀ ମହିଳାଙ୍କୁ ଦିଆଯିବ। ଅକଲାଣ୍ଡ ବିଶ୍ବବିଦ୍ୟାଳୟର ପ୍ରସୁତି ଓ ସ୍ତ୍ରୀ ରୋଗ ବିଭାଗର ବରିଷ୍ଠ ଅଧ୍ୟାପକ ମିଚେଲ ଓ୍ବାଇଜ ଏକ ସର୍ଭେ କରିଥିଲେ। ଯେଉଁଥିରେ ସାଧାରଣ ମଣିଷଙ୍କ ଅପେକ୍ଷା ଗର୍ଭବତୀ ମହିଳାଙ୍କ କ୍ଷେତ୍ରରେ ଗଭୀର ସଂକ୍ରମଣ ହେବାର ଆଶଙ୍କା ରହିଛି। ଯେଉଁଥିପାଇଁ ନିଷ୍ପତ୍ତି ନିଆଯାଇଛି ଯେ, ଗର୍ଭବତୀ ମହିଳାଙ୍କୁ କୋଭିଡ ଟିକା ନିୟମିତ ଦିଆଯିବ। ସାରା ବିଶ୍ବରେ ଯେଉଁ ବହୁତ ଗର୍ଭବତୀ ନାରୀ ମାନେ ଟିକା ନେଇ ସାରିଛନ୍ତି। ଏପର୍ୟ୍ୟନ୍ତ ତାଙ୍କ ନିକଟରେ କିଛି ପାର୍ଶ୍ବ ପ୍ରତିକ୍ରିୟା ବା ଅସୁବିଧା ଦେଖିବାକୁ ମିଳି ନାହିଁ। ଗର୍ଭଅବସ୍ଥାରେ ଟିକା ନେଲେ ଶିଶୁର ରକ୍ଷା ମଧ୍ୟ ହୋଇପାରେ। ଏକ ଷ୍ଟଡିରୁ ଜଣା ପଡ଼ିଛି ଯେ, ନାଭି ନାଲର ରକ୍ତରେ ଓ ମା’ର କ୍ଷୀରରେ ଆଣ୍ଟିବଡି ଦେଖିବାକୁ ମିଳିଛି। ଏଥିରୁ ସଙ୍କେତ ମିଳୁଛି ଯେ, ଗର୍ଭବତୀ ମହିଳା ଟିକା ନେବା ଦ୍ୱାରା ଜନ୍ମ ପୂର୍ବରୁ ଓ ପରେ ଶିଶୁକୁ ଅସ୍ଥାୟୀ ସୁରକ୍ଷା ମିଳିଥାଏ।