ଶରଣକୁଳ ପୁଲିସକୁ ସଫଳତା, ୫୪ କେଜି ଗଞ୍ଜେଇ ଜବତ, ଆସମୀ ଗିରଫ

ନୟାଗଡ଼ (ବାଘୁଆବାର୍ତ୍ତା): ଶରଣକୁଳ ପୁଲିସକୁ ମିଳିଛି ବଡ଼ ସଫଳତା । ବହୁଦିନ ଧରି ଶରଣକୁଳ ଅଞ୍ଚଳରେ ଗଞ୍ଜେଇ ବେପାର କରୁଥିବା ଆସାମୀକୁ ପୁଲିସ ଗିରଫ କରିଛି । ସୂଚନାନୁସାରେ ମଜୁରିଆପଲ୍ଲୀ ଗ୍ରାମର ଅଭିମନ୍ୟୁ ନାୟକ ଏକ ଅଟୋ ସାହଯ୍ୟରେ ୫୪ କେଜି ଗଞ୍ଜେଇ ଚାଲାଣ କରୁଥିଲେ । ପୁଲିସ ନଜରରେ ଥିବା ଅଭିମନ୍ୟୁକୁ ପାଟୁଳି ସାହି ଛକ ନିକଟରେ ଅଟୋ ସହ ଗଞ୍ଜେଇକୁ ଜବତ କରିଛି । ଉକ୍ତ ଅଟୋଟି ବାଲୁକୁଦିଆ ଅଞ୍ଚଳର ବୋଲି ଜଣା ପଡିଛି । ଶରଣକୁଳ ଥାନା ଅଧିକାରୀ ପୂର୍ଣ୍ଣଚନ୍ଦ୍ର ପଟ୍ଟାୟତ, ସବଇନିସପେକ୍ଟର ଶିବରାମ ବେତ୍ରା ଓ ଏଏସଆଇ ତୁଷାରକାନ୍ତ ନାୟକ ପ୍ରମୁଖ ଚଢ଼ଉ କରିଥିଲେ ।