ନୂଆଦିଲ୍ଲୀ, (ବାଘୁଆବାର୍ତ୍ତା): ଭାରତ-ଚାଇନା ସୀମାକୁ ନେଇ ଲାଗି ରହିଛି ବିବାଦ । ଯାହାକୁ ନେଇ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ୍ ମୁହଁ ଖୋଲିଛନ୍ତି । ଭାରତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଚାଇନାର ରାଷ୍ଟ୍ରପତି ସି ଜିନିପିଙ୍ଗଙ୍କ ଜଣେ ଜଣେ ଦାୟୀତ୍ୱବାନ ନେତା । ଦୁଇ ଦେଶ ମଧ୍ୟରେ ଚାଲିଥିବା ବିବାଦକୁ ସମାଧାନ କରିବାରେ ଉଭୟ ନେତା ସକ୍ଷମ । ତେଣୁ ଏହି ପ୍ରକ୍ରିୟାରେ କୌଣସି ଅତିରିକ୍ତ ଆଞ୍ଚଳିକ ଶକ୍ତି ପ୍ରବେଶ କରିବା କଥା ନୁହେଁ ବୋଲି ପୁଟିନ୍ କହିଛନ୍ତି । ଭାରତ, ଆମେରିକା, ଜାପାନ ଅଷ୍ଟ୍ରେଲିଆ ଗଠନ କରିଥିବା କ୍ୟୁଡାକୁ ରୁଷ ଖୋଲାଖୋଲି ଭାବେ ବିରୋଧ କରୁଛି । କେଉଁ ଦେଶ କାହା ସହ ମିଶି କ’ଣ ପଦକ୍ଷେପ ନେବ, ତା’ର ନିଷ୍ପତ୍ତି କିମ୍ବାର ତା’ଉପରେ ପ୍ରତିକ୍ରିୟା ଦେବା ରୁଷ ପାଇଁ ଠିକ୍ ନୁହେଁ । କାହା ବିରୋଧରେ ଷଡ଼ଯନ୍ତ୍ରର ଉଦ୍ଦେଶ୍ୟ ରଖି କୌଣସି ଦେଶ ଆଉ ଗୋଟିଏ ରାଷ୍ଟ୍ର ସହ ବନ୍ଧୁତା କରିବା ଉଚିତ୍ ନୁହେଁ । ରାଷ୍ଟ୍ରପତି ପୁଟିନଙ୍କୁ କ୍ୟୁଡା ଓ ଭାରତ ଏଥିରେ ଯୋଗଦେବା ସଂପର୍କରେ ପ୍ରଶ୍ନ କରାଯାଇଛି । ପୁଟିନ୍ ଆହୁରୀ ମଧ୍ୟ କହିଛନ୍ତି, ଭାରତ ଓ ଚାଇନା ମଧ୍ୟରେ କିଛି ତିକ୍ତତା ସୃଷ୍ଟି ହୋଇଛି । ଏଇଟା ବି ସତ ଯେ, ସବୁବେଳେ ଦୁଇ ପଡୋଶୀ ଦେଶଙ୍କ ମଧ୍ୟରେ କିଛି ନା କିଛି ସମସ୍ୟା ସୃଷ୍ଟି ହୋଇଥାଏ । ଉଭୟ ଭାରତ ପ୍ରଧାନମନ୍ତ୍ରୀ ଓ ଚାଇନାର ରାଷ୍ଟ୍ରପତି ହେଉଛନ୍ତି ଦାୟୀତ୍ୱବାନ ନେତା । ସେମାନେ ପରସ୍ପରଙ୍କୁ ବହୁତ ସମ୍ମାନ କରନ୍ତି । ତେଣୁ ଉଭୟ ଦେଶକୁ ଯେତେ ସବୁ ସମସ୍ୟା ଆସିଲେ ମଧ୍ୟ ଏହାର ସମାଧାନ କରିବାକୁ ସେମାନେ ନିଶ୍ଚିତ ଆଗେଇ ଆସିବେ । ହେଲେ ଏଥିରେ କୌଣସି ଅତିରିକ୍ତ ଆଞ୍ଚଳିକ ଶକ୍ତି ହସ୍ତକ୍ଷେପ କରିବା ଠିକ୍ ନୁହେଁ ବୋଲି ରୁଷ ରାଷ୍ଟ୍ରପତି ସୂଚନା ଦେଇଛନ୍ତି ।
