ବ୍ରହ୍ମପୁର (ବାଘୁଆବାର୍ତ୍ତା): ବ୍ରହ୍ମପୁରରେ ସବ ସତ୍କାର କରି ଏକ ନୂତନ ପରିଚୟ ସୃଷ୍ଟି କରିଛନ୍ତି ବ୍ରହ୍ମପୁର ବିଧାୟକ ବିକ୍ରମ ପଣ୍ଡା । ସୋମବାର ବ୍ରହ୍ମପୁର ସରଧାବାଲି ତୃତୀୟ ଲାଇନ ଅଞ୍ଚଳର ଜଣେ ଅବସରପ୍ରାପ୍ତ ଆର୍ମୀଙ୍କ ସ୍ତ୍ରୀ ୫୫ ବର୍ଷ ବୟସ୍କା ଅନିତା ସାବତଙ୍କର ଏମକେସିଜି କାଜୁଆଲିଟିରେ ମୃତ୍ୟୁ ହେବା ପରେ ତାଙ୍କ ସ୍ୱାମୀ ଏବଂ ଦୁଇ ଝିଅ ତାଙ୍କର ସମସ୍ତ ପରିଚିତ ଲୋକଙ୍କୁ ସାହାଯ୍ୟ ମାଗି ବିଫଳ ହୋଇଥିଲେ । ଏହାପରେ ସେମାନେ ବ୍ରହ୍ମପୁର ବିଧାୟକଙ୍କୁ ଫୋନ୍ ମାଧ୍ୟମରେ ସମସ୍ତ ଘଟଣା ଜଣାଇଥିଲେ । ବିଧାୟକ ଏହା ଶୁଣି ତୁରନ୍ତ ଆମ୍ବୁଲାନ୍ସ, କାଠ, କୋକେଇ ଆଦି ସମସ୍ତ ଆବଶକୀୟ ବ୍ୟବସ୍ଥା କରିବା ସହ ନିଜେ ଉପସ୍ଥିତ ରହି ଶେଷ କୃତ୍ୟ ସମ୍ପନ୍ନ କରାଇଥିଲେ । କୋଭିଡ୍ ଭୟରେ କେହି ସାହାଯ୍ୟ ପାଇଁ ଆସୁନଥିବା ବେଳେ ବିଧାୟକ ଯେଉଁ କାମ କରୁଛନ୍ତି ତାହା ସାଧାରଣରେ ପ୍ରଶଂସନୀୟ ହୋଇଛି । ଅସହାୟଙ୍କ ସବ ସତ୍କାରର ସମସ୍ତ କାର୍ୟ୍ୟ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ଏବଂ ଓଡିଶା ‘ମୋ ପରିବାର’ ଆନୁକୂଲ୍ୟରେ ଅନୁଷ୍ଠିତ ହେଉଛିବୋଲି ବିଧାୟକ କହିଛନ୍ତି ।
