ଭୁବନେଶ୍ୱର, (ବାଘୁଆବାର୍ତ୍ତା): ବର୍ତ୍ତମାନର ବଡ଼ ଖବର । ଆପଣମାନଙ୍କ ପାଖରେ ସାମୁଦ୍ରିକ ବାତ୍ୟା ୟଶ ର ଟିକିନିକି ଖବର ପହଞ୍ଚାଇବାରେ ଚେଷ୍ଟା ଜାରି ରଖିଛୁ । ବାତ୍ୟା ୟଶ ଲ୍ୟାଣ୍ଡଫଲ କରିବାରେ ସାମାନ୍ୟ ବିଳମ୍ବ ହେବା ନେଇ ବର୍ତ୍ତମାନ ସବୁଠୁ ବଡ଼ ଖବର ଆସି ପହଞ୍ôଚଛି । ସକାଳୁ ସକାଳୁ ବାତ୍ୟା ୟଶ ପ୍ରଭାବରେ ବର୍ଷା ପବନ ଆରମ୍ଭ ହୋଇଛି । ଘଣ୍ଟା ପ୍ରତି ବାତ୍ୟା ୟଶ ୧୨କି.ମି ବେଗରେ ମାଡ଼ି ଆସୁଛି । ଏବେ ପାରାଦ୍ୱୀପ ଠାରୁ ୯୦ ଦୂରରେ ଥିବା ବେଳେ ଧାମରା ଠାରୁ ମାତ୍ର ୪୦କି.ମି ଦୂରରେ ଏବଂ ବାଲେଶ୍ୱର ଓ ପଶ୍ଚିମବଙ୍ଗ ଠାରୁ ୯୦କି.ମି ଦୂରରେ ଥିବା ବର୍ତ୍ତମାନର ତାଜା ଖବରରୁ ଜଣାପଡିଛି । ସାମୁଦ୍ରିକ ବାତ୍ୟା ୟଶ ଧାମରା-ଚାନ୍ଦବାଲି ଲ୍ୟାଣ୍ଡଫଲ କରିବାର ଥିଲା ଏଥିରେ ସାମାନ୍ୟ ସ୍ଥାନ ପରିବର୍ତ୍ତନ ହୋଇଥିବା ଜଣାପଡିଛି । ବାତ୍ୟା ୟଶ ଷ୍ଟାଟସ୍ ଅନୁସାରେ, ୟଶ ବାସୁଦେବପୁର-ବାହାନଗା ଅଞ୍ଚଳର ମଧ୍ୟଭାଗରେ ଲ୍ୟାଣ୍ଡଫଲ କରିବାର ସମ୍ଭାବନା ରହିଛି । ଅତି ଭୟଙ୍କର ସାମୁଦ୍ରିକ ବାତ୍ୟା ୟଶ ଆଖିର ବ୍ୟାସାର୍ଦ୍ଧ ୩୫କି.ମି ରହିଛି । ବାତ୍ୟା ୟଶ ଲ୍ୟାଣ୍ଡଫଲ କଲା ସମୟରେ ୧୩୦ରୁ ୧୫୫କି.ମି ବେଗରେ ପବନ ବହିପାରେ ବୋଲି ଏସଆରସି ପକ୍ଷରୁ ସୂଚନା ମିଳିଛି ।
