ଅଭିନେତ୍ରୀ ଆଞ୍ଜୋଲିନା ଜୋଲିଙ୍କ ଅଜବ ଫଟୋ ସୁଟ, ଶରୀରରେ ଚଢ଼ାଇଲେ ମହୁମାଛି, ଜମା ହଲିଲେ ନାହିଁ ୧୮ ମିନିଟ

ନୂଆଦିଲ୍ଲୀ (ବାଘୁଆବାର୍ତ୍ତା): ହଲିଉଡ ଅଭିନେତ୍ରୀ ଆଞ୍ଜେଲିନା ଜୋଲିଙ୍କ ବୋଲ୍ଡନେସ୍ ଏବଂ ସୌନ୍ଦର୍ୟ୍ୟ ପାଇଁ ସମସ୍ତେ ପାଗଳ । ବିଶେଷକରି ଝିଅମାନେ ତାଙ୍କ ପରି ସୁନ୍ଦର ଦେଖାଯିବା ପାଇଁ କସମେଟିକ୍ ସର୍ଜରୀ ପର୍ୟ୍ୟନ୍ତ କରିଥାନ୍ତି । ଆଞ୍ଜେଲିନାଙ୍କ ଫଟୋ ସୋସିଆଲ ମିଡିଆରେ ଆସିବା ମାତ୍ରେ ଭାଇରାଲ ହୋଇଯାଏ । ଆଜିକାଲି ଅଭିନେତ୍ରୀ ତାଙ୍କର ଏକ ବିଶେଷ ଫଟୋସୁଟ ପାଇଁ ଚର୍ଚ୍ଚାରେ ରହିଛନ୍ତି। ସେ ମହୁମାଛି ସହିତ ଫଟୋସୁଟ୍ କରିଛନ୍ତି ଯାହା ଭାଇରାଲ୍ ଖୁବ୍ ଭାଇରାଲ୍ ହେବାରେ ଲାଗିଛି । ବାସ୍ତବରେ, ଆଞ୍ଜେଲିନା ଜୋଲି ବିଶ୍ୱ ମହୁମାଛି ଦିବସରେ ଏକ ଫଟୋସୁଟ୍ କରିଥିଲେ । ଯେଉଁ ଫଟୋ ନ୍ୟାସନାଲ୍ ଜିଓଗ୍ରାଫିକ୍ ନିଜ ଇନଷ୍ଟାଗ୍ରାମ୍ ଆକାଉଣ୍ଟରେ ସେୟାର କରିଛି । ଏହି ଫଟୋଗୁଡ଼ିକରେ ଆଞ୍ଜେଲିନାଙ୍କ ଶରୀରରେ ମହୁମାଛି ଚଢିଥିବାର ଦେଖାଯାଇଛି । ଯାହା ତାଙ୍କ କାନ୍ଧ ଏବଂ ମୁହଁରେ ଚାଲୁଥିବାର ଦେଖାଯାଇଛି। ସବୁଠାରୁ ଆଶ୍ଚର୍ୟ୍ୟଜନକ କଥା ହେଉଛି ଏହି ମହୁମାଛିମାନେ ଆଞ୍ଜେଲିନାଙ୍କ ଶରୀର ଉପରେ ୧୮ ମିନିଟ୍ ପର୍ୟ୍ୟନ୍ତ ଅଟକି ରହିଥିଲେ । ଏହି ସମୟରେ ଅଭିନେତ୍ରୀ ନ ହଲି ମୁଣ୍ଡ ଉପରକୁ ଓ ତଳକୁ କରୁଥିବା ଦେଖାଯାଇଛି । ମହୁମାଛି ପାଳକ ଏବଂ ଫଟୋଗ୍ରାଫରମାନେ କହିଛନ୍ତି ଯେ ମହୁମାଛିଙ୍କୁ ଶାନ୍ତ କରିବା ଏବଂ ଆଞ୍ଜେଲିନାଙ୍କ ଶରୀରରକୁ ନକାମୁଡିବା ପାଇଁ ଏକ ସ୍ୱତନ୍ତ୍ର ଯୋଜନା ପ୍ରସ୍ତୁତ କରାଯାଇଥିଲା। ଏହି ସୁଟ୍ ଅତି ସାବଧାନର ସହିତ ସମାପ୍ତ ହୋଇଥିଲା ।