ମୁମ୍ବାଇ, (ବାଘୁଆବାର୍ତ୍ତା): ଫିଲ୍ମ ଇଣ୍ଡଷ୍ଟ୍ରିରେ ନୂଆ ଧମାକା ଦେଖିବାକୁ ମିଳିଛି । ଫିଲ୍ମ ରିଲିଜ୍ ହେବା ପୂର୍ବରୁ ୪୭୫ କୋଟି ଆୟ କରିଥିବା ବେଳେ ରିଲିଜ୍ ହେବା ପରେ ୩୨୫ କୋଟି ଆୟ କରିଥିବା ସୂଚନା ମିଳିଛି । ରାଜମୌଲୀଙ୍କ ପିରିୟଡ ଡ୍ରାମା ଫିଲ୍ମ ଆରଆରଆର ରିଲିଜ ହେବା ପୂର୍ବରୁ କୋଟି କୋଟି ଟଙ୍କା ଆୟ କରିସାରିଲାଣି । ପପୁଲାର ଏଣ୍ଟରଟେନମେଣ୍ଟ ନେଟୱାର୍କର ମୂଖ୍ୟ ଜୟନ୍ତୀଲାଲ ଗଡା ୪୭୫ କୋଟିର ସମସ୍ତ ଭାଷାର ଡିଜିଟାଲ, ସ୍ୟାଟଲାଇଟ୍ ଓ ଇଲେକ୍ଟ୍ରୋନିକ୍ ରାଇଟ୍ସ କ୍ରୟ କରିଥିବା ନେଇ ରିପୋର୍ଟ ପ୍ରକାଶ ପାଇଛି । ରିଲିଜ୍ ହେବା ପରେ ଡିଜିଟାଲ ଏବଂ ସାଟୋଲଇଟ୍ ରାଇଟ୍ସ ୩୨୫କୋଟିରେ ଡିଲ୍ କରାଯାଇଛି । ଜୀ ଗ୍ରୁପକୁ ଏହି ରାଇଟ୍ସ ଜୟନ୍ତୀଲାଲ ଟ୍ରାନ୍ସଫର କରିଛନ୍ତି । ଫିଲ୍ମ ଏବେ ସୁଦ୍ଧା ୮୦୦ କୋଟି ପାଖାପାଖି ଆୟ କରିସାରିଛି । ଏହି ଫିଲ୍ମଟି ଚଳିତ ବର୍ଷ ଜାନୁୟାରୀ ୮ତାରିଖରେ ରିଲିଜ୍ ହେବାର ଥିଲା କିନ୍ତଡ୍ମହାମାରୀ କରୋନା ଯୋଗୁଁ ଏହାକୁ ଘୁଞ୍ଚାଇ ଦିଆଯାଇଥିଲା । ୧୯୨୦ ଦଶକର କ୍ରାନ୍ତିକାରୀ ଅଲ୍ଲୁରୀ ସୀତାରାମ ରାଜୁ, କୋମାରାମ ଭୀମଙ୍କ ଜୀବନୀ ଉପରେ ଆଧାରିତ ହୋଇଛି ଆରଆରଆର ଫିଲ୍ମ । ଏହି ଫିଲ୍ମରେ ଜୁନିୟର ଏନଟିଆର, ରାଚଚରଣ ଓ ଅଜୟ ଦେବଗନ ଅଭିନୟ କରିଥିବା ଜଣାପଡିଛି ।
