ବାତ୍ୟା ତୌକେତ୍ ପ୍ରବାହ, ଅପରେସନ୍ ବାର୍ଜ ପି-୩୦୫:୩୭ ମୃତ ଦେହ ଉଦ୍ଧାର

ମୁମ୍ବାଇ, (ବାଘୁଆବାର୍ତ୍ତା): ବାତ୍ୟା ତୌକେତ୍ ପ୍ରଭାବରେ ସମୁଦ୍ରରେ ଜାହାଜ ବୁଡି ଯାଇଥିବା ଫଳରେ ୪୮ଜଣ ନିଖୋଜ୍ ଥିଲେ । ନିଖୋଜ ମାନଙ୍କ ପାଇଁ ଉଦ୍ଧାର ଜାରି ରହିଛି । ବର୍ତ୍ତମାନ ସୁଦ୍ଧା ୪୮ଜଣଙ୍କ ମଧ୍ୟରୁ ୩୭ଜଣଙ୍କ ମୃତ ଦେହ ଉଦ୍ଧାର କରାଯାଇଥିବା ବେଳେ ଦିନରାତି ଉଦ୍ଧାର ଜାରି ରଖିଛି ନୌସେନା ଓ କୋଷ୍ଟ ଗାର୍ଡ । ଉଦ୍ଧାର କାର୍ଯ୍ୟରେ ବଡ଼ ବଡ଼ ଜାହାଜ, ପି-୧୮ ବିମାନ, ସି କିଙ୍ଗ ହେଲିକପ୍ଟର ସମେତ ତଟରକ୍ଷୀ ଏବଂ ଓଏନସିଜିର ଜାହାଜ ସାମିଲ ହୋଇଛନ୍ତି । ସୂଚନାନୁସାରେ, ବାତ୍ୟା ତୌକେତ୍ ପ୍ରଭାବରେ ଓଏନଜିସିର ବାର୍ଜ ପି-୩୦୫ ମୁମ୍ବାଇ ଉପକୂଳ ଠାରୁ କିଛି ଦୂରରେ ସମୁଦ୍ର ଭିତରେ ଫସି ରହିଥିଲା । ବାତ୍ୟା ତୌକେତ୍ ବର୍ଷା, ପବନରେ ବୁଡି ଯାଇଥିଲା । ଜାହାଜରେ ୨୭୩ଜଣ ବ୍ୟକ୍ତି ବିଶେଷ ଥିବା ବେଳେ ସେଥିରୁ ୧୮୮ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିଲା । ୪୮ଜଣଙ୍କ ପତ୍ତା ମିଳିନଥିଲା । ବହୁ ଖୋଜାଖୋଜି କରିବା ପରେ ୩୭ଜଣଙ୍କ ମୃତ ଦେହ ଉଦ୍ଧାର କରାଯାଇଛି । ଅନ୍ୟମାନଙ୍କ ପତ୍ତା ମିଳିନଥିବା ବେଳେ ଉଦ୍ଧାର କାର୍ଯ୍ୟ ଜାରି ରହିଛି ।