ଚାନ୍ଦପୁର, (ନୟାଗଡ଼ ): ଏବେ ବି ବଞ୍ଚିଛି ମାନବିକତା ବୁଲା ଗାଈ , ଷଣ୍ଢ ଓ କୁକୁର ମାନଙ୍କୁ ଖାଦ୍ୟ ଯୋଗାଉଥିବା ର ଦୃଶ୍ୟ । କରୋନା ର ଦ୍ଵିତୀୟ ଲହର୍ ଚାଲିଥିବାବେଳେ ଲକ୍ ଡାଉନ୍ ଓ ସଟ୍ ଡାଉନ୍ ଭଳି ପରିସ୍ଥିତିରେ ନିଜ ଜୀବନକୁ ଖାତିର ନ କରି ଅଣ୍ଟା ଭିଡ଼ି ଆଗେଇ ଆସିଛନ୍ତି କନ୍ଧନୟଗଡ ଓ ଚାନ୍ଦପୁର ଅଞ୍ଚଳର କିଛି ସାମ୍ବାଦିକ ଓ ସମାଜସେବୀମାନେ । ସହରାଞ୍ଚଳ ମାନଙ୍କ ରେ ସରକାରଙ୍କ ତରଫରୁ ବୁଲା ଗାଈ ଓ କୁକୁର ମାନଙ୍କ ପାଇଁ ବ୍ୟବସ୍ଥା ହୋଇଥିବାବେଳେ ପଞ୍ଚାୟତ ସ୍ଥରରେ ଏହାର କିଛି ବ୍ୟବସ୍ଥା ହୋଇ ନଥିବାର ଜଣାପଡୁଛି । କୋଭିଡ଼ ପାଇଁ ସାଧାରଣ ଲୋକମାନେ ଘର ବାହାରକୁ ଯିବା ସୁଫଳ ମଣୁନଥିବା ରୁ ରାସ୍ତାଘାଟ ଖାଁ ଖାଁ ହୋଇପଡିଛି ଏପଟେ ସପ୍ତାହରେ ଶନି ଓ ରବିବାର ଦୁଇଦିନ ଧରି ସଟ୍ ଡାଉନ୍ ଚାଲିଥିବାରୁ ଜନବସତି ଗୁଡ଼ିକ ଜନଶୂନ୍ୟ ମଧ୍ୟ ହୋଇ ଯାଉଛି। ଏଭଳି ସ୍ଥିତି ରେ ବୁଲା ଗାଈ ଓ କୁକୁର ଖାଦ୍ୟ ପାଇଁ ଆଉଟ୍ ପାଉତ୍ ହେଉଛନ୍ତି। ଏହି ପରିପ୍ରେକ୍ଷୀରେ ଟାଙ୍ଗୀ ବ୍ଲକ ସାମ୍ବାଦିକ ସଂଘର ପ୍ରତିଜ୍ଞା ଟିଭି ରଜନୀକାନ୍ତ ମିଶ୍ର, କୋଣାର୍କ ଲାଇଭ୍ ସାମ୍ବାଦିକ ପ୍ରଶାନ୍ତ କୁମାର ବେହେରା ଓ କନ୍ଧ ନୟାଗଡ଼ , ଚାନ୍ଦପୁର ଅଞ୍ଚଳର କିଛି ସମାଜସେବୀ ତାପସ ରଂଜନ ମାର୍ଥା, ପ୍ରଭାତ ପ୍ରଧାନ,ବିମଳ ବେହେରା, ଶିବ ମହାପାତ୍ର, ଜାଫର ଅଲ୍ଲୀ ଶାହାଙ୍କ ସହଯୋଗରେ ଚାଉଳ,ଗହମ,ପନିପରିବା ଏକାଠି ରୋଷେଇ କରି ଅଟୋ ଯୋଗେ ନେଇ ବୁଲି ବୁଲି ବୁଲା ଗାଈ ଓ କୁକୁର ମାନଙ୍କୁ ଖାଦ୍ୟ ଖୁଆଇବା। ସବୁଠାରୁ ବଡ଼କଥା ହେଲା ଜାଫର ଅଲ୍ଲୀ ଶାହା ଜଣେ ମୁସଲିମ ସମ୍ପ୍ରଦାୟର ହୋଇଥିଲେ ମଧ୍ୟ ସେ ଗାଈ ମାନଙ୍କ ପ୍ରତି ଏତେ ଭଲ ପାଇବା ଦେଖି ଅଞ୍ଚଳବାସୀ ପ୍ରଶଂସା କରିଛନ୍ତି ।
