ବାରଣାସୀ (ବାଘୁଆବାର୍ତ୍ତା): ସାରାଦେଶ ସଙ୍କଟ ଦେଇ ଗତି କରୁଛି । ହେଲେ କିଛି ଲୋକ ଏଭଳି ଖରାପ ସ୍ଥିତିରେ ମଧ୍ୟ ମଜାମସ୍ତି କରିବାକୁ ଭୁଲୁନାହାନ୍ତି । ଏଭଳି ଏକ ଘଟଣା ଉତ୍ତର ପ୍ରଦେଶର ବାରଣାସୀରେ ଘଟିଛି । ଆମ୍ବୁଲାନ୍ସ ଭିତରୁ ଆପତ୍ତିଜନକ ଅବସ୍ଥାରେ ପୋଲିସ ଚାରି ଜଣଙ୍କୁ ଗିରଫ କରିଛି । ଏହି ଲଜ୍ଜାଜନକ ମାମଲା ବାରଣାସୀର ରାମନଗର ପୋଲିସ ଷ୍ଟେସନ ଅନ୍ତର୍ଗତ ସୁଜାବାଦ ଅଞ୍ଚଳରେ ଘଟିଛି । ବର୍ତ୍ତମାନ ପୋଲିସ ଏହି ମାମଲାରେ ଆମ୍ବୁଲାନ୍ସକୁ ସିଲ କରିବା ସହିତ ସମ୍ପୃକ୍ତ ଯୁବକ ଓ ଯୁବତୀଙ୍କ ଉପରେ ମାମଲା ରୁଜୁ କରି ଜେଲକୁ ପଠାଇଛି । ଶୁକ୍ରବାର ସନ୍ଧ୍ୟାରେ ସ୍ଥାନୀୟ ଅଞ୍ଚଳର ଲୋକମାନେ ସୁଜାବାଦ ଛକ ନିକଟରେ ଦୀର୍ଘ ସମୟ ଧରି ଠିଆ ହୋଇଥିବା ଏକ ଆମ୍ବୁଲାନ୍ସକୁ ଦେଖିଥିଲେ । ଆମ୍ବୁଲାନ୍ସଟି ବହୁ ସମୟ ଧରି ହଲୁଥିଲା । ଲୋକମାନେ ରୋଗୀ ଥିବା ସନ୍ଦେହ କରିଥିଲେ । କିନ୍ତୁ ଦୀର୍ଘ ସମୟ ପରେ ମଧ୍ୟ ଆମ୍ବୁଲାନ୍ସ ସେଠାରୁ ଯାଇ ନଥିଲା । ତା’ପରେ ଲୋକମାନେ କିଛି ଅଘଟଣ ଆଶଙ୍କାରେ ବାହାର ପଟୁ ଆମ୍ବୁଲାନ୍ସ ଭିତରକୁ ଚାହିଁଥିଲେ । ଭିତରେ ସେମାନେ ଯାହା ଦେଖିଲେ ଆଶ୍ଚର୍ଯ୍ୟ ହୋଇ ଯାଇଥିଲେ । ସ୍ଥାନୀୟ ଲୋକମାନେ ଆମ୍ବୁଲାନ୍ସରେ ୩ ଯୁବକ ଏବଂ ଜଣେ ଯୁବତୀଙ୍କୁ ଆପତ୍ତିଜନକ ଅବସ୍ଥାରେ ଦେଖିଥିଲେ । ଏହାପରେ ଲୋକମାନେ ପୋଲିସ ପୋଷ୍ଟକୁ ସୂଚନା ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଆମ୍ମୁଲାନ୍ସରେ ଭିତରେ ଥିବା ଯୁବକ ଯୁବତୀଙ୍କୁ ପୋଲିସ ଷ୍ଟେସନକୁ ଆଣିଥିଲା । ରାମନଗର ପୋଲିସ ଷ୍ଟେସନର ଥାନା ଅଧିକାରୀ ବେଦ ପ୍ରକାଶ ରାୟ କହିଛନ୍ତି, ଆମ୍ବୁଲାନ୍ସରେ ଆପତ୍ତିଜନକ ଅବସ୍ଥାରେ ଥିବା ଯୁବକ-ଯୁବତୀଙ୍କ ବିରୋଧରେ ମାମଲା ରୁଜୁ କରି ଜେଲକୁ ପଠାଯାଇଛି । ଏହା ସହିତ ଆମ୍ବୁଲାନ୍ସକୁ ମଧ୍ୟ ସିଲ କରାଯାଇଛି । ଆମ୍ବୁଲାନ୍ସ ବାରଣାସୀର ମାଣ୍ଡୁୱାଡିହ ଅଞ୍ଚଳର ଏକ ଘରୋଇ ହସ୍ପିଟାଲର । ଯାହାକୁ ଲଙ୍କାର ଜଣେ ବ୍ୟକ୍ତି ଭଡାରେ ନେଇଥିଲେ । ଏହି ଆମ୍ବୁଲାନ୍ସକୁ ସେ ରୋଗୀଙ୍କୁ ହସ୍ପିଟାଲ ନେବାକୁ ଭଡାରେ ରଖିଥିଲେ ।
ଆପତି ଜନକ ଅବସ୍ଥାରେ ଅମ୍ବୁଲାନ୍ସ ଗାଡ଼ିରୁ ଗିରଫ ହେଲେ ୪ ଯୁବକ ଓ ଯୁବତୀ, ରାସ୍ତା ଉପରେ ହଲୁଥିଲା ଆମ୍ବୁଲାନ୍ସ
