ପର୍ବତ ଘେରା ଗାଁରେ ପଶିଲା କରୋନା, ଗ୍ରାମ କଣ୍ଟେନମେଣ୍ଟ ୨୪ ଜଣ ପଜେଟିଭ

ଗଞ୍ଜାମ (ବାଘୁଆବାର୍ତ୍ତା): ପାହାଡିଆ ଅଞ୍ଚଳରେ ପସିଲା କରୋନା । ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଳକ ବେଲଗଡ଼ ଗାଁରେ କରୋନା ସଂକ୍ରମଣ । ଗୋବିନ୍ଦପୁର ପଞ୍ଚାୟତର ତପ୍ତପାଣି ଉପରେ ଥିବା ପାହାଡ ନିକଟ ଆଦିବାସୀ ଗାଁ ବେଲଗଡ଼ରେ ୨୪ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ଆହୁରି ୩୦ ଜଣ ଅସୁସ୍ଥ ହୋଇଥିବା ଜଣାପଡିଛି । ପଜିଟିଭ ଚିହ୍ନଟ ହୋଇଥିବା ନେଇ ବିଡିଓ ସୂଚନା ଦେଇଛନ୍ତି । ଏହାପରେ ଗାଁକୁ ସାନିଟାଇଜ କରାଯାଇଛି ଓ ଆଡପଡା ସିଏଚସିରୁ ଏକ ଟିମ ଯାଇ ସ୍ୱାସ୍ଥ୍ୟ ପରୀକ୍ଷା କରିବା ସହ ଔଷଧ ବଣ୍ଟନ କରିଛନ୍ତି । ସଂକ୍ରମିତମାନେ ହୋମ ଆଇସୋଲେସନରେ ଅଛନ୍ତି । ବେଲଗଡ଼ ଆଦିବାସୀ ଅଧ୍ୟୁଷିତ ଅଞ୍ଚଳ ହୋଇଥିବା ବେଳେ ଏଠାରେ କୋଭିଡ ପରୀକ୍ଷା ପାଇଁ କ୍ୟାମ୍ପ ଅନୁଷ୍ଠିତ ହୋଇଥିଲା । ପରେ ଏକାଧିକ କୋଭିଡ ସଂକ୍ରମିତ ଚିହ୍ନଟ ହେବା ପରେ କଣ୍ଟେନମେଣ୍ଟ ଜୋନ ଘୋଷଣା କରାଯାଇଥିଲା । ସ୍ଥାନୀୟ ପ୍ରଶାସନ ଗାଁକୁ ଉଭୟ ପାଶ୍ୱର୍ରୁ ବାରିକେଟ କରି ସିଲ କରି ଦେଇଥିଲେ । ଶୁକ୍ରବାର ସମ୍ପୂର୍ଣ୍ଣ ଗାଁ ସାନିଟାଇଜ ହେବା ସହ ଘର ଘର ବୁଲି ସ୍ୱାସ୍ଥ୍ୟ ପରୀକ୍ଷା କରାଯାଉଛି ।