ମାଡ ଖାଉଛନ୍ତି, ଫାଇନ ଗଣୁଛନ୍ତି, ତଥାପି ଅମାନିଆ, ୧୦ଟି ଦୋକାନରୁ ୧ଲକ୍ଷ ୧୫ ହଜାର ଆଦାୟ

ରାଉରକେଲା (ବାଘୁଆବାର୍ତ୍ତା): କରୋନା ସଂକ୍ରମଣରେ ବ୍ରେକ ଲଗାଇବାକୁ ଚାଲିଛି ୧୪ ଦିନିଆ ଲକଡାଉନ । ରାଉରକେଲା ମ୍ୟୁନିସପାଲଟି ଓ ପୁଲିସ ଇନଫୋର୍ସମେଣ୍ଟ ଟିମ ହୋଇଛନ୍ତି ନିଷ୍ଠୁର । ଅମାନିଆ କଟକଣା ନ ମାନି ଦୋକାନ ଖୋଲିଥିବାରୁ ଚଢ଼ଉ କରିଛି ଆରଏମସି ଓ ପୁଲିସ ଏନଫୋର୍ସମେଣ୍ଟ ଟିମ । ଛେଣ୍ଡ ଭିଏସଏସ ମାର୍କେଟରେ ୫ଟି, ସେକ୍ଟର-୧୯ ଇସ୍ପାତ ମାର୍କେଟରେ ୪ଟି ଓ ରାଉରକେଲା ମୁଖ୍ୟ ବଜାରରେ ଗୋଟିଏ ଏମିତି ମୋଟ ୧୦ଟି ଦୋକାନ ସିଲ କରିଛି । ସେମିତି ମାସ୍କ ପିନ୍ଧି ନଥିବାରୁ ଅମାନିଆଙ୍କ ଠାରୁ ପୁଲିସ ୧ ଲକ୍ଷ ୧୫ ହଜାର ୭୯୦ ଟଙ୍କା ଜୋରିମାନା ଅଦାୟ କରିଛି ପୁଲିସ । ଓଡ଼ିଶା-ଝାରଖଣ୍ଡ ସୀମାନ୍ତରେ ଯାଞ୍ଚକୁ କଡାକଡି କରାଯାଇଛି । ନୂଆଗାଁର ସରୋଡା ଓ ବିଶ୍ରାର ମହିପାଣି ଚେକ ଗେଟରେ ପୁଲିସ ରାଉରକେଲା ଆସୁଥିବା ଗାଡିଗୁଡ଼ିକୁ କଡାକଡି ଯାଞ୍ଚ କରାଯାଉଛି ।