ଭୁବନେଶ୍ୱର (ବାଘୁଆବାର୍ତ୍ତା) ମହାମାରୀ କରୋନାର ଦ୍ୱିତୀୟ ଲହରରେ ସାରା ଦେଶ ଆଉଟୁପାଉଟୁ ହେଉଛି । ମାସ୍କ, ସାମାଜିକ ଦୂତତା ଓ ଟିକାକରଣ ଦ୍ୱାରା ହିଁ କରୋନା ଭାଇରସକୁ ମାତ ଦିଆଯାଇ ପାରିବ ବୋଲି ବିଶେଷଜ୍ଞମାନେ କହୁଛନ୍ତି । ହେଲେ ମଧ୍ୟପ୍ରଦେଶର କ୍ଷମତାସୀନ ବିଜେପି ସରକାରରେ ସଂସ୍କୃତି ମନ୍ତ୍ରୀ ଥିବା ଉଷା ଠାକୁର ନୂଆ ତଥା ଅଜବ ଉପାୟ ଆପଣାଇବାକୁ ଲୋକଙ୍କୁ କହିଛନ୍ତି । ପରିବେଶର ବିଶୋଧନ କରିବାକୁ ଯଜ୍ଞ କରିବା ଦରକାର । ବହୁ ପୁରାତନ ଯୁଗରୁ ମହାମାରୀକୁ ଦୂର କରିବା ପାଇଁ ଯଜ୍ଞ କରାଯାଉଛି । ତେଣୁ କରୋନାରୁ ମୁକୁଳିବାକୁ ହେଳେ ଆମ ସମସ୍ତଙ୍କୁ ଗୋଟିଏ ସମୟରେ ଯଜ୍ଞ କରିବାକୁ ପଡିବ ବୋଲି ସେ କହିଛନ୍ତି । ସେ କହିଛନ୍ତି, “ଆମେ ସମସ୍ତଙ୍କୁ ନିବେଦନ କରିବାକୁ ଚାହୁଁଛନ୍ତି ଯେ ସେମାନେ ଯଜ୍ଞ କରନ୍ତୁ ଓ ଆହୁତି ଦିଅନ୍ତୁ । ଏହାଦ୍ୱାରା ପରିବେଶ ବିଶୋଧନ ହୋଇପାରିବ । କାରଣ ଏହି ପ୍ରଥା ଓ ପରମ୍ପରା ମହାମାରୀକୁ ମୂଳପୋଛ କରିବା ପାଇଁ ବହୁ ପୁରାତନ କାଳରୁ ଆପଣା ଯାଉଛି ।
କରୋନା ପାଇଁ ବିଜେପି ମନ୍ତ୍ରୀଙ୍କ ନୂଆ ଫର୍ମୁଲା, ଯଜ୍ଞ କର ଆହୁତି ଦିଅ କରୋନା ଚାଲିଯିବ
