ରାଉରକେଲା (ବାଘୁଆବାର୍ତ୍ତା): କରୋନା ସଂକ୍ରମଣକୁ ରୋକିବା ପାଇଁ ଲକଡାଉନ ଓ ସାପ୍ତାହିକ ସଟଡାଉନ ଘୋଷଣା କରାଯାଇଛି । ସଟଡାଉନରେ ଦୋକାନ ବଜାର ବନ୍ଦ ରଖିବାକୁ ନିର୍ଦ୍ଦେଶ ରହିଛି । କିନ୍ତୁ କେତେକ ସ୍ଥାନରେ ଏଥିରେ ଉଲଂଘନ କରାଯାଇଛି । କେତେକ ସ୍ଥାନରେ ଦୋକାନୀମାନେ ଲୁଚାଛପାରେ ଦୋକାନ ଖୋଲି ବ୍ୟବସାୟ କରୁଛନ୍ତି । ରାଉରକେଲା ସହରରେ ଏହିଭଳି ଭାବେ ସଟଡାଉନରେ ଦୋକାନ ଖୋଲାଯାଇଥିଲା । ଯାହା ଦୋକାନୀମାନଙ୍କୁ ମହଙ୍ଗା ପଡିଛି । ପୋଲିସ ପହଞ୍ଚି ଏହାକୁ ସିଲ କରିଛି । ରାଉରକେଲା ସହରରେ ସଟଡାଉନରେ ୪ଟି ଦୋକାନ ଖୋଲାଯାଇ ମାଛ ଓ ମାଂସ ବିକ୍ରି ହେଉଥିଲା । ଖବର ପାଇ ପୋଲିସ ପହଞ୍ଚି ଚଢ଼ାଉ କରିଥିଲା । ୪ଟି ଦୋକାନକୁ ସିଲ କରିବା ସହ ମାଛ ମାଂସ ଜବତ କରିଥିଲା । ମୋଟ ୨ କୁଇଣ୍ଟାଲ ମାଛ, ୧୦ କେଜି ମାଂସ ଜବତ କରିଛି ପ୍ରଶାସନ ।
