ନୟାଗଡ଼, (ବାଘୁଆବାର୍ତ୍ତା): ମହାମାରୀ ଦ୍ୱିତୀୟ ଲହରରେ ଆଜି ଦିନକରେ ୧୧ ହଜାରରୁ ଉର୍ଦ୍ଧ କରୋନାରେ ସଂକ୍ରମିତ ହୋଇଥିବା ଜଣାପଡିଛି । ଗତ କାଲି ୧୨୨୩୮ଜଣ ଚିହ୍ନଟ ହୋଇଥିବା ବେଳେ ଆଜି ପୁଣି ୧୧୮୦୭ଜଣ ସକ୍ରମଣ ହୋଇଥିବା ଚିହ୍ନଟ ହୋଇଛି । ତେବେ ଏହି ଦୁଇଦିନକୁ ଯଦି ହିସାବ କରିବା ତେବେ ରାଜ୍ୟରେ ୨୪ହଜାରରୁ ଉର୍ଦ୍ଧ ସଂକ୍ରମଣ ହୋଇଥିବା ଜଣାପଡିଛି । ଆଜି ପୁଣି ସୁନ୍ଦରଗଡ଼ ଜିଲ୍ଲାରେ ସର୍ବାଧିକ ୧୯୨୨ଜଣ ସଂକ୍ରମିତ ହୋଇଥିବା ବେଳେ ତା ପଛକୁ ଖୋର୍ଦ୍ଧା ଜିଲ୍ଲା ୧୫୧୦, କଟକ ଜିଲ୍ଲା ୧୦୫୨, କଳାହାଣ୍ଡି ୪୦୨, ସମ୍ବଲପୁର ୫୩୩, ଅନୁଗୁଳ ୫୬୦, ବରଗଡ଼ ୪୨୮, ବାଲେଶ୍ୱର ୨୬୦, ଭଦ୍ରକ ୮୩, ପୁରୀ ୪୫୪, ଯାଜପୁର ୩୦୨, ଗଞ୍ଜାମ ୩୪୧, ଝାରସୁଗୁଡ଼ା ୪୨୧, ନୂଆପଡ଼ା ୨୮୬, ନବରଙ୍ଗପୁର ୪୧୯, ବଲାଙ୍ଗିର ୪୩୭, ମୟୂରଭଞ୍ଜ ୧୭୫, ରାୟଗଡ଼ା ୧୩୮, ନୟାଗଡ଼ ୨୦୪, କେନ୍ଦ୍ରାପଡ଼ା ୧୪୫, କେନ୍ଦୁଝର ୨୩୧, ଜଗତସିଂହପୁର ୧୩୪, ସୋନପୁର ୨୧୦, ଢେଙ୍କାନାଳ ୧୭୭, କୋରାପୁଟ ୧୨୨, ବୌଦ୍ଧ ୧୭୮, ଗଜପତି ୧୦୫, କନ୍ଧମାଳ ୯୨, ଦେଓଗଡ଼ ୧୧୫, ମାଲକାନଗିରି ୭୦ ଓ ଷ୍ଟେଟ୍ ପୋଲ ୩୦୧ଟି ସଂକ୍ରମଣ ହୋଇଥିବା ଚିହ୍ନଟ କରାଯାଇଛି । ସର୍ବମୋଟ ୧୧୮୦୭ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛି । କ୍ୱାରେନଣ୍ଟାଇନ୍ ୬୬୧୩ଜଣ ଚିହ୍ନଟ ହୋଇଥିବା ବେଳେ ଲୋକାଲରୁ ୫୧୯୪ଜଣ କରୋନାରେ ସଂକ୍ରମିତ ହୋଇଥିବା ସୂଚନା ମିଳିଛି । ମାସ୍କ ଓ ସାମାଜିକ ଦୂରତା ଅବଲମ୍ବନ କରିବା ସହିତ ହାତକୁ ବାରମ୍ବାର ସଫା ରଖନ୍ତୁ ।
