ମୁମ୍ବାଇ, (ବାଘୁଆବାର୍ତ୍ତା): ଚଳିତ ଆଇପିଏଲ୍ ସିଜିନ୍-୧୪ରେ ଦମଦାର ଓଭର ଖେଳିଛନ୍ତି ରବିନ୍ଦ୍ର ଜାଡୋଜା । ଗୋଟିଏ ଓଭରରେ ୧୭ରନ୍ କରି ଚଳିତ ସିଜିନର ହିରୋ ବନିଛନ୍ତି ଜାଡେଜା । ଆଜି ଅପରାହ୍ନରୁ ଆରମ୍ଭ ହୋଇଥିବା ଚେନ୍ନାଇ ସହିତ ବାଙ୍ଗାଲୋର ମଧ୍ୟରେ ଆଇପିଏଲ ଟି-୨୦ ମ୍ୟାଚ୍ ଅନୁଷ୍ଠିତୟ ହୋଇଯାଇଛି । ଚେନ୍ନାଇ ପ୍ରଥମେ ଟସ୍ ଜିତି ବ୍ୟାଟିଂ କରିବାର ନିଷ୍ପତ୍ତି ପଡ଼ିଆ ଭିତରକୁ ପ୍ରବେଶ କରିଥିଲା । ନିର୍ଦ୍ଧାରିତ ୨୦ଓଭରରେ ଚେନ୍ନାଇ ୪ଟି ମୂଲ୍ୟବାନ ୱିକେଟ୍ ହରାଇ ୧୯୧ରନ୍ କରିଥିଲା । ଚେନ୍ନାଇର ରୁତୁରାଜ ୨୫ବଲ ଖେଳି ୪ଟି ଚୌକା, ୧ଟି ଛକା ସହାୟତାରେ ୩୩ରନ୍ କରିଥିବା ବେଳେ ଡୁ ପ୍ଲେସିସ୍ ୪୧ଟି ବଲର ସମ୍ମୁଖୀନ ହୋଇ ୫ଟି ଚୌକା, ୧ଟି ଛକା ସହୟତାରେ ୫୦ରନ୍, ସୁରେଶ ରୈନା ୧୮ବଲ ସମ୍ମୁଖୀନ ହୋଇ ୧ଟି ଚୌକା ଓ ୩ଟି ଛକା ସହାୟତାରେ ୨୪ରନ୍, ଅମ୍ବତି ରାୟିଡ଼ୁ ୧୪ ରନ୍ କରି ଆଉଟ ହୋଇଥିବା ବେଳେ ଧୋନି ୨ରନ୍ ଓ ଜାଡେଜା ୬୨ରନ୍ କରି ନଟଆଉଟ୍ ଥିବା ଜଣାପଡିଛି । ଅନ୍ତିମ ଓଭରରେ ଜାଡେଜା ୩୭ରନ୍ ସଂଗ୍ରହ କରିଥିଲେ । ଯେଉଁଥିରେ ୬, ୬, ୬, ୬, ୨, ୬, ୪ ରନ୍ ସଂଗ୍ରହ କରିଥିଲେ । ୨୮ବଲର ସମ୍ମୁଖୀନ ହୋଇ ଜାଡେଜା ୪ଟି ଚୌକା ଓ ୫ଟି ଛକାରେ ୬୨ରନ୍ କରି ନଟଆଉଟ୍ ଥିଲେ । ଜବାବ୍ରେ ବାଙ୍ଗାଲୋର ୧୯୨ରନର ବିଜୟ ଲକ୍ଷ ନେଇ ଖେଳ ଆରମ୍ଭ କରିଥିଲା । ନିର୍ଦ୍ଧାରିତ ୨୦ଓଭରରେ ମୂଲ୍ୟବାନ ୯ଟି ଓି୍ୱକେଟ୍ ହରାଇ ୧୨୨ରନ୍ କରିବାରେ ସଂକ୍ଷମ ହୋଇ ଏହି ମ୍ୟାଚରୁ ପରାଜୟ ବରଣ କରିଛି ରୟାଲ ଚ୍ୟାଲେଞ୍ଜ ବାଙ୍ଗାଲୋର ।
