ନୟାଗଡ଼ (ବାଘୁଆବାର୍ତ୍ତା ବ୍ୟୁରୋ): ନୟାଗଡ଼ ଜିଲ୍ଲାରେ ୩ଦିନ ଧରି ବିଜେପିର ମହିଳା ସୁରକ୍ଷା ପଦଯାତ୍ରା ଓ ମହିଳା ସୁରକ୍ଷା ଯାତ୍ରା ଦଶପଲ୍ଲା ଠାରୁ ଆରମ୍ଭ କରି ଗଣିଆ, ଖଣ୍ଡପଡ଼ା ଏବଂ ନୟାଗଡ଼ରେ ପହଞ୍ôଚଛି । ସବୁଠି ପଦଯାତ୍ରା ଏବଂ ପଥପ୍ରାନ୍ତ ସଭା ମହିଳା ସୁରକ୍ଷା ଉପରେ ବିଜେପି ମହିଳା ମୋର୍ଚ୍ଚା ତରଫରୁ କରାଯାଇଛି । ଆଜି ବିଜେପି ମହିଳା ସୁରକ୍ଷା ଯାତ୍ରା ଉପଲକ୍ଷେ ନୟାଗଡ଼ ସହରର ଦୁର୍ଗାମଣ୍ଡପ ଠାରେ ଏକ ପ୍ରତିବାଦ ସଭା ଅନୁଷ୍ଠିତ ହୋଇଯାଇଛି । ଏହି ସଭାରେ ଜିଲ୍ଲା ମହିଳା ମୋର୍ଚ୍ଚା ସଭାନେତ୍ରୀ ଅନୁସୂୟା ସାହୁ ସଭାପତିତ୍ୱ କରିଥିଲେ । ଏହି ସଭାରେ ପୂର୍ବତନ ମନ୍ତ୍ରୀ ସୁରମା ପାଢୀ, ଅଭିନେତ୍ରୀ ମାହେଶ୍ୱତା ରାୟ, ଭୁବନେଶ୍ୱର ମହିଳା ମୋର୍ଚ୍ଚା ସଭାନେତ୍ରୀ ମୀନାକ୍ଷୀ ପ୍ରିୟଦର୍ଶନୀ, ରାଜ୍ୟ କାର୍ଯ୍ୟକାରିଣୀ ସଦସ୍ୟ କ୍ରୀଷ୍ଣା ମିର୍ଶ, ସୁବାଷିନୀ ପୃଷ୍ଟି ଏବଂ ନୟାଗଡ଼ ଜିଲ୍ଲା ପର୍ଯ୍ୟବେକ୍ଷକ ରଶ୍ମୀରେଖା ପଟ୍ଟନାୟକ, ରାଜ୍ୟ ମହିଳା ମୋର୍ଚ୍ଚା କୋଷାଧ୍ୟକ୍ଷ ବିଜୟ ଲକ୍ଷ୍ମୀ ମହାପାତ୍ର ଏବଂ ନୟାଗଡ଼ ନିର୍ବାଚନ ମଣ୍ଡଳୀ ସଭାନେତ୍ରୀ ଇରାନୀ ରାୟ ପ୍ରମୁଖ ଉପସ୍ଥିତ ଥିଲେ ।
ଇରାନୀ ରାୟ କହିଥିଲେ ଯେ, ସାରା ଓଡ଼ିଶାରେ ଏବେ ମହିଳା ସୁରଖିତ ନୁହନ୍ତି । ସବୁଠି ଛୋଟ ଶିଶୁ ଠାରୁ ଆରମ୍ଭ କରି ମହିଳାଙ୍କ ପର୍ଯ୍ୟନ୍ତ ସମସ୍ତେ ଅସୁରଖିତ ଅବସା୍ଥ ରେ ରହିଥିବା ବେଳେ ରାଜ୍ୟର ବିଜେଡ଼ି ସରକାର କୁମ୍ଭକର୍ଣ୍ଣ ନିଦ୍ରା ଯାଇଛନ୍ତି । ତେଣୁ ବିଜେପି ତରଫରୁ ଏହାକୁ ନିନ୍ଦା କରାଯାଉଛି । ଯେଉଁ ରାଜ୍ୟରେ ମହିଳା ସୁରକ୍ଷିତ ନୁହନ୍ତି ସେ ସରକାର ତୁରନ୍ତ ବରଖାସ୍ତ କରିବା ଉଚିତ୍ । ଅନ୍ୟତମ ଅତିଥି ଭାବେ ମନ୍ତ୍ରୀ ସୁରମା ପାଢୀ କହିଥିଲେ ଯେ, କେନ୍ଦ୍ର ସରକାର ୧୦୮ ଆମ୍ବୁଲାନ୍ସ ଦେଇଥିଲା ବେଳେ ରାଜ୍ୟ ସରକାର ଏହାକୁ ଚଞ୍ଚକତା କରି କେନ୍ଦ୍ର ସରକାରଙ୍କ ନାମ ନଲେଖି ରାଜ୍ୟ ସରକାର ଦେଇଛନ୍ତି ବୋଲି କହି ୧୦୮ ଆମ୍ବୁଲାନ୍ସ ଚଳାଇଥିଲେ । କେନ୍ଦ୍ରରେ ବିଜେପି ସରକାର ଆସିବା ପରେ ୧୦୮ ଆମ୍ବୁଲାନ୍ସରୁ କେନ୍ଦ୍ରସରକାର ଓ ରାଜ୍ୟସରକାରଙ୍କ ସହଭାଗିତାରେ କରାଯାଇଛି ବୋଲି ରାତାରାତି ସବୁ ୧୦୮ ଆମ୍ବୁଲାନ୍ସରେ ଲେଖାଗଲା ।
ସେହିଭଳି ୧ଟଙ୍କା ଚାଉଳରେ କେନ୍ଦ୍ରସରକାର ୧୭ଟଙ୍କା ଦେଉଥିଲାବେଳେ ରାଜ୍ୟ ସରକାର ଟଙ୍କିକିଆ ଚାଉଳ ଦେଇ ବାହାବାହା ନେଉଛି । ଏହି ପ୍ରତିବାଦ ସଭାରେ ଜିଲ୍ଲା ସଭାପତି ସନ୍ନ୍ୟାସୀ ନାୟକ, ଲାଲା ମନୋଜ ରାୟ, ସାଧାରଣ ସମ୍ପାଦକ ପ୍ରଦୀପ ମହାପାତ୍ର, ସନ୍ତୋଷ ପ୍ରଧାନ ପ୍ରମୁଖ ସହଯୋଗ କରିଥିଲେ ।
