ନୟାଗଡ଼, (ବାଘୁଆବାର୍ତ୍ତା): ଅ, ଆ ଲେଖି ପାରୁନଥିବା ବା ପଢି ପାରୁନଥାଇ ସରପଞ୍ଚ ହୋଇଥିବା ଜଣେ ସରପଞ୍ଚଙ୍କୁ କୋର୍ଟ ଅଯୋଗ୍ୟ ଘୋଷିତ କରିଛନ୍ତି । ସୂଚନାନୁସାରେ, ଭଦ୍ରକ ସଦର ବ୍ଲକ୍ ଅନ୍ତର୍ଗତ ଦୈସିଂ ପଞ୍ଚାୟତର ସରପଞ୍ଚ ପାର୍ବତୀ ମାଝୀ ୨୦୧୭ ନିର୍ବାଚନରେ ନିର୍ବାଚନ ଲଢି ବିଜୟୀ ହୋଇ ସରପଞ୍ଚ ହୋଇଥିଲେ । ସରପଞ୍ଚ ହୋଇଥିଲେ ମଧ୍ୟ ଓଡ଼ିଆ ପଢି ନପାରିବା ଓ ଲେଖି ନପାରିବାରୁ ପୂର୍ବରୁ ଏନେଇ ଅଭିଯୋଗ ହୋଇଥିଲା । ଏହାକୁ ବିଚାର କରି ଆଜି କୋର୍ଟ ଦୈସିଂ ସରପଞ୍ଚ ପାର୍ବତୀ ମାଝୀଙ୍କୁ ଆଯୋଗ୍ୟ ସରପଞ୍ଚ ଭାବେ ଘୋଷିତ କରିଛନ୍ତି । ସରପଞ୍ଚଙ୍କ ପ୍ରତିଦ୍ୱନ୍ଦି ପ୍ରାର୍ଥୀ ବାଗନ ସିଂ କୋର୍ଟରେ ଚ୍ୟାଲେଞ୍ଜ କରିଥିଲେ । ଯାହାର ଆଜି ଭଦ୍ରକ ଜିଲ୍ଲା ଦୌରାଜଜ୍ ଶୁଣାଇଛନ୍ତି । ପାର୍ବତୀ ମାଝୀଙ୍କୁ ଅଯୋଗ୍ୟ ଘୋଷଣା କରିବା ସହ ନିର୍ବାଚନ ଅଧିକାରୀଙ୍କୁ ଶୀଘ୍ର ପଦବୀ ପୂରଣ ପାଇଁ ନିର୍ଦ୍ଦେଶ ଦେଇଥିବା ସୂଚନା ମିଳିଛି ।
